Atyraý munaı óńdeý zaýytynda basshy aýysty. «Atyraý munaı óńdeý zaýyty» JSHS-niń jańa bas dırektory jáne basqarma tóraǵasy bolyp Muratjan Musaıbekov taǵaıyndaldy, dep habarlaıdy infohub.kz saıty.
Taǵaıyndaý týraly sheshim kásiporyn qatysýshylarynyń kezekten tys jalpy jınalysynda qabyldandy. Jańa basshyny zaýyt ujymyna «QazMunaıGaz» UK AQ basqarma tóraǵasynyń orynbasary Áset Maǵaýov tanystyrdy.
Musaıbekov «QazMunaıGaz» júıesinde jáne munaı-gaz salasynda baı tájirıbege ıe. Ár jyldary ol QMG-nyń munaı-gaz óńdeý jáne munaı-hımıa jobalaryn iske asyrý jónindegi dırektory, munaı óńdeý jónindegi basqarýshy dırektory, «QazMunaıGaz – óńdeý jáne marketıń» AQ bas dırektorynyń orynbasary qyzmetterin atqardy. Sondaı-aq ol «KPI Inc.» JSHS basqarma tóraǵasynyń birinshi orynbasary bolyp jumys istep, basqa da memlekettik jáne jeke qurylymdarda qyzmet etti.
AMÓZ-tiń jańa basshysynyń aldyna operasıalyq tıimdilikti arttyrý jáne ashyq tústi munaı ónimderiniń shyǵymdylyǵyn ulǵaıtý mindetteri qoıyldy. Sonymen qatar, óndiristik prosesterdiń senimdiligi men energıa tıimdiligin arttyrý, ekologıalyq jobalardy jalǵastyrý jáne jumysshylarǵa qaýipsiz ári qolaıly jaǵdaı jasaý qajet. QMG basshylyǵy zaýyttyń turaqty jáne úzdiksiz jumysyn qamtamasyz etýge erekshe nazar aýdardy.
Kásiporyn qatysýshylarynyń kezekten tys jalpy jınalysy burynǵy bas dırektor jáne basqarma tóraǵasy Qýanysh Bıshimovtiń ókilettigin toqtatty.