Atyraý oblysynda eki laýazymdy tulǵa memlekettik qyzmettiń bedelin túsirgeni úshin jaýapkershilikke tartyldy: bir basshy qyzmetinen aıyryldy, ekinshisine tolyq emes qyzmettik sáıkestik týraly eskertý jasaldy. Bul týraly oblys prokýratýrasy habarlady, dep jazady infohub.kz saıty.
Vedomstvonyń resmı saıtynda kórsetilgendeı, Atyraý oblysynyń prokýratýrasy qurylysqa bólingen búdjet qarajatyn jumsaý kezinde eki zańbuzýshylyqty anyqtady. Kináli laýazymdy tulǵalar memlekettik qyzmettiń bedelin túsirgeni úshin jaýapkershilikke tartyldy.
Alǵashqy oqıǵa Qurmanǵazy aýdanynda tirkeldi. 2024 jyly jergilikti qurylys bólimi Qurmanǵazy aýylynda 600 mln teńgege 30 páter satyp alǵan. Másele keıinirek anyqtaldy: úı gaz taratý jelilerine qosylmaǵan bolatyn.
«Bólim basshysy bul týraly satyp alýǵa deıin bilgen, biraq tenderdi báribir uıymdastyrdy — jekelegen kásipkerlerge basymdyq berildi», — dep atap ótti Atyraý oblysynyń prokýratýrasynda.
Ekinshi oqıǵa Qyzylqoǵa aýdanynda boldy. Munda qurylys bóliminiń basshysy merdigerge naqty oryndalmaǵan jumystar úshin 900 myń teńge aýdaryp qoıǵan.
Másele Etıka keńesiniń otyrysynda qaraldy. Qurmanǵazy aýdandyq qurylys bóliminiń basshysy qyzmetinen bosatyldy. Onyń Qyzylqoǵa aýdanyndaǵy áriptesine tolyq emes qyzmettik sáıkestik týraly eskertý jarıalandy.
Prokýratýrada qosymsha aıtylǵandaı, óńirde osyndaı zańbuzýshylyqtar úshin taǵy úsh laýazymdy tulǵa jazalandy.