Atyraý oblysynda ýaqytsha ustaý ızolátorynyń bastyǵy Grýzıaǵa jaıaý bara jatqan sheteldik týrıserge kómek kórsetti, dep habarlaıdy infohub.kz saıty.
İİM baspasóz qyzmetiniń málimetinshe, oqıǵa 22 tamyzda Atyraý — Astrahan tas jolynda bolǵan. Chılı men Qytaı azamattary jaıaý saıahattap kele jatyp, qatty ystyqtan aýyz sýsyz qalyp, jol jıeginde toqtaýǵa májbúr bolǵan.
Osy kezde tas jolmen qyzmet babymen Kýrmanǵazy aýdany polısıa bóliminiń ýaqytsha ustaý ızolátorynyń bastyǵy Ersin Ǵaınetov ótip bara jatqan. Sheteldik saıahatshylardy baıqaǵan polıseı beı-jaı qalmaı, kómek kórsetý úshin toqtaǵan. Ol týrıserdiń densaýlyǵyn surap, olarǵa qajetti sýsyndar satyp alyp, jetkizip salýdy usynǵan. Sondaı-aq ol olarǵa baǵytty anyqtaýǵa kómektesip, joldy qaýipsiz jalǵastyrý úshin qajetti keńester bergen.
Saıahatshylar kórsetilgen kómek úshin alǵys bildirgen. Sheteldik qonaqtar olardyń túpki maqsaty — Grýzıa ekenin aıtqan. Saıahatty olar Qazaqstan aýmaǵy arqyly jalǵastyrǵan.