Atyraý oblysynda júkti áıel kúıeýiniń soqqysynan úıden qashyp shyqqanyn málimdedi. Oqıǵadan keıin ol aýrýhanaǵa jatqyzyldy, dep habarlaıdy infohub.kz saıty.
32 jastaǵy Aqbóbek Orazbaeva telearnaǵa bergen suhbatynda kúıeýiniń balalarynyń kózinshe ony aıaýsyz soqqyǵa jyqqanyn aıtty. Qazir júkti áıel kúıeýin jazalaýdy talap etip otyr.
«Men jatqan kezde ol kelip, judyryǵymen urdy. Shamasy, eki ret urdy. Basym, qulaǵym — bári shyńyldady. Men "Alla, Alla" dep, jaımany aldym, sol kezde kishi qyzym oıanyp ketti. Balalarymnyń ekeýi de uıyqtamaǵan eken. Olar qorqyp, uıyqtap jatqan bolyp jatqan. Ol meni aıamaıtynyn túsindim», — dedi áıel.
Aqbóbek qazir Inder aýdandyq aýrýhanasynda jatyr. Onyń aıtýynsha, kúıeýi buǵan deıin de qol kótergen, biraq ol keshirgen. Jup úsh balany birge tárbıelep otyr. Sońǵy ret, júkti áıeldiń sózine qaraǵanda, ol bolashaq sábıiniń ómirinen qoryqqan.
Áıel polısıaǵa aryzdanǵany habarlandy. Biraq onyń aıtýynsha, agresordy birden bosatqan. Tek úlken janjal shyǵarǵannan keıin zardap shekken áıel ony qaıta ustatýǵa qol jetkizgen. Quqyq qorǵaý organdary oqıǵaǵa ázirge túsinikteme bermeı, bárin anyqtap jatqandaryn aıtady.
Sonymen qatar, dárigerler qazir áıelge tynyshtyqty qatań usynyp otyr. «Túsken kezde onyń basy men jaq súıegi aımaǵynda kóptegen jaraqattar boldy, sol aıaǵynyń jaǵynda kógerýler bar. Ol sondaı-aq ishiniń aýyrǵanyna shaǵymdandy. Qazir hırýrgıa bóliminde em alýda. Jaǵdaıy turaqty», — dedi Inder aýdandyq aýrýhanasynyń hırýrgi Aslanbek Ermuhanov.