Atyraý oblysynyń turǵyndary halyqaralyq ekologıalyq "Jer saǵaty" aksıasyna qatysýǵa shaqyryldy. Bul týraly óńirlik ekologıa departamenti habarlady.
Aksıa 28 naýryz 2026 jyly saǵat 20:30-dan 21:30-ǵa deıin ótedi. Osy ýaqyt aralyǵynda barlyq turǵyndar men mekemelerdi jaryqty jáne elektr qurylǵylaryn óshirýge shaqyrady.
"Jer saǵaty" – bul klımattyń ózgerý máselesine nazar aýdarýdy jáne energıa men tabıǵı resýrstardy únemdeýdiń mańyzdylyǵyn eske salýdy maqsat etetin halyqaralyq ekologıalyq bastama.
Aksıa aıasynda turǵyn úılerde, keńselerde, memlekettik mekemelerde, sondaı-aq murajaılar men teatrlarda bir saǵat boıy jaryqty óshirý usynylady.
Ekologıa departamenti oblys turǵyndaryn, memlekettik qyzmetkerler men kásipkerlerdi bul bastamany qoldaýǵa shaqyrdy.