Sınoptıkter 15-17 tamyz aralyǵynda Qazaqstannyń barlyq derlik aımaǵynda aýa temperatýrasynyń tómendeıtinin boljap otyr, dep habarlaıdy infohub.kz.
«Qazgıdromet» RMK boljamy boıynsha, atmosferalyq fronttardyń ótýine baılanysty respýblıkanyń basym bóliginde jańbyr, naızaǵaı, ekpindi jel jáne burshaq jaýady. Tek eldiń batysynda jáne Qyzylorda oblysynda jaýyn-shashynsyz bolady. Sonymen qatar, batysta, soltústik-batysta, soltústikte jáne ortalyqta túnde jáne tańerteń tuman túsýi múmkin.
Qatty jańbyr 15 tamyzda Qostanaı oblysynda, 15-16 tamyzda Soltústik Qazaqstan jáne Aqmola oblystarynda, 16 tamyzda Pavlodar oblysynda ótedi.
Al temperatýraǵa keler bolsaq, eldiń batysynda kúndiz 18-26 jylylyqtan 25-33 jylylyqqa deıin kóteriledi. Aqtóbe oblysynda aıtarlyqtaı ózgeris kútilmeıdi: negizgi fon 20-30 jylylyqty quraıdy.
Temperatýranyń tómendeýi kelesi aımaqtarda kútiledi:
Qostanaı jáne Soltústik Qazaqstan oblystarynda túnde — 15-20 jylylyqtan 7-12 jylylyqqa deıin, kúndiz — 20-30 jylylyqtan 15-20 jylylyqqa deıin.
Aqmola jáne Pavlodar oblystarynda túnde — 15-20 jylylyqtan 10-15 jylylyqqa deıin, kúndiz — 30-35 jylylyqtan 17-25 jylylyqqa deıin.
Ortalyq jáne shyǵys aımaqtarda aptap ystyqtyń basylýy kútiledi. Bul aımaqtardyń ońtústiginde kúndizgi temperatýra 40-41 jylylyqtan 23-33 jylylyqqa deıin tómendeıdi.
Qazaqstannyń ońtústiginde 38-44 gradýstyq aptap ystyq 30-37 jylylyqqa deıin basylady.
Eldiń ońtústik-shyǵysynda temperatýra 40-43 jylylyqtan 30-36 jylylyqqa deıin tómendeıdi.