Qazaqstandyq 127 myńǵa jýyq talapker bilim granttaryn alýǵa konkýrsqa ótinish berdi, dep habarlaıdy infohub.kz.
Bıyl bakalavrıatta oqýǵa 75 myńnan astam grant bólindi. Onyń 60 paıyzy ınjenerlik baǵyttarǵa, 20 paıyzy pedagogıkalyq mamandyqtarǵa, taǵy 20 paıyzy eńbek naryǵynyń qajettiligin eskere otyryp, basqa salalarǵa arnalǵan. Birneshe jyl qatarynan eń tanymal mamandyqtar – ınjenerlik, óńdeý jáne qurylys, pedagogıkalyq ǵylymdar, sondaı-aq aqparattyq-kommýnıkasıalyq tehnologıalar.
«Bir granttyq orynǵa eń úlken báseke bolashaq aýdarmashylar, dıplomattar, zańgerler, psıhologtar jáne muǵalimder arasynda kútiledi», – dep QR Ǵylym jáne joǵary bilim mınıstrliginde atap ótti.
Granttardy taǵaıyndaý týraly sheshimdi respýblıkalyq konkýrstyq komısıa qabyldaıdy. Onyń quramyna memlekettik organdardyń, qoǵamdyq uıymdardyń ókilderi jáne qoǵam qaıratkerleri kiredi. Grant ıeleriniń tizimi 10 tamyzǵa deıin jarıalanady, al joǵary oqý oryndaryna qabyldaý 25 tamyzda aıaqtalady.