Audi kompanıasy eýropalyq naryqqa arnalǵan jańa kompaktty elektromobıl A2 e-tron-dy resmı túrde usyndy. Jańalyqtyń basty ereksheligi — tıimdilik: energıa shyǵyny 100 km-ge nebári 12,8 kVt·saǵ, al WLTP sıkli boıynsha zapas hody 646 km-ge jetedi, dep habarlaıdy infohub.kz saıty.
Audi A2 e-tron marka tarıhyndaǵy eń tıimdi serıalyq model dep atalýda. Elektrokardyń aerodınamıkalyq kedergi koefısıenti 0,24-ti quraıdy, al satyp alýshylarǵa qýaty ártúrli tórt nusqa jáne batareıanyń úsh túri usynylady. Maksımaldy júrý qashyqtyǵy 646 km-ge jetedi.
Salonda panoramalyq MMI dıspleıi, 11,9 dúımdik sıfrlyq panel jáne 12,8 dúımdik sensorlyq ekran ornatylǵan. Sondaı-aq, jasandy ıntellekti bar Audi asıstenti jáne e-tron marshrýt josparlaýshysy qoljetimdi.
Baǵasy — €38,2 myńnan bastap.
Audi A2 e-tron óndirisi Ingolshtadttaǵy zaýytta jolǵa qoıylady. Germanıada tapsyrystar 10 qyrkúıekten bastap qabyldanady, al alǵashqy jetkizilimder 2026 jyldyń jeltoqsanyna josparlanǵan.
Bastapqy baǵasy €38,2 myńdy (shamamen 20,2 mln teńge) quraıdy. Osylaısha Audi eýropalyq naryqtyń kompaktty segmentinde óz pozısıasyn nyǵaıtýdy kózdeıdi, onda nemis brendi qoljetimdi qytaılyq «elektromobıldermen» básekelesýge májbúr.
Qazaqstan úshin bul model eýropalyq elektrokar naryǵynyń qaı baǵytta damyp jatqanynyń mysaly retinde qyzyqty: kompaktty korpýs, salystyrmaly túrde qoljetimdi baǵa jáne maksımaldy qýatqa emes, tıimdilik pen zapas hodyna basymdyq berý.
Buǵan deıin Kýrsıv Avto Norvegıa naryǵynyń 99%-yn jańa elektromobılder alyp qoıǵanyn habarlaǵan bolatyn.