Silelep, qurtyp murshany,
Saıat qyp taýda júrgende.
Saıa ǵyp qalyń shyrshany,
Ketippin uıyqtap birdemde.
Oıansam birde áldenip,
Jambastan kóktiń syzy ótip,
Aqqýdaı appaq shal kelip,
Tur eken meni kúzetip.
Kózime senbeı tańdanam,
Óńim be, álde túsim be?!
Qaıdan júr myna shal-babam?!
Iesiz taýdyń ishinde.
Sálem de bere almadym,
Ózinshe sóılep tur babam.
Qylyǵyn aıtyp jandardyń
Baılyǵyn taýdyń urlaǵan.
- Sen-daǵy qarý qolǵa aldyń.
Atarsyń taýdyń kıigin...
Biraqta, baıǵus ormannyń,
Basarsyń qaıtip kúıigin?!
Ormansyz taýyń jetimek,
He kerek taqyr órkeshi.
Barady, balam, setinep,
Ormannyń jasyl kórpesi.
Kıikter bezgen bul jerden,
İzdeme, balam, tappaısyń...
Asqasyn mynaý bir dóńnen,
Úıge kep dám-tuz tatqaısyń.
Kóleńke maǵan túsirgen,
Kók shyrsha sergip, tarandy.
Áýlıe dedim ishimnen,
Bel asyp ketken babamdy...
Aldynda quldyq uryp, aqtalmaımyn,
Astynda aıaǵyńnyń taptalmaımyn.
Biraz kún seni esimnen shyǵardy ras,
Janyma batqan dertim, batqan qaıǵym.
He kúıde júrgenimdi kóresiń be?
Men sónip baratyrmyn, senesiń be?
Qaı maıdannan oralǵan jaýyngermin,
Jaradan saý-tamtyq joq denesinde.
Basymdy bult alǵan búginde sen.
Júrekke ıne qadap, búlinbe sen!
Álsirep, ázer janǵan shyraqpyn men,
Sónemin de qalamyn bir úrleseń...

---