Aýtızmi bar adamdardyń týǵan kezdegi ortasha ómir súrý uzaqtyǵy 64,9 jyl — bul AQSH-taǵy ortasha kórsetkishten shamamen 14 jylǵa, al Medicaid baǵdarlamasynyń qalǵan qatysýshylarynan alty jylǵa jýyq az. Mundaı tujyrymǵa Medicaid júıesiniń derekterin zertteý barysynda keldi, bul týraly Gizmodo portaly jazyp, infohub.kz saıty habarlaıdy.
Kolýmbıa ýnıversıteti men Kolorado Anshýts ýnıversıtetiniń ǵalymdary aýtızmi bar eki mıllıonnan astam naýqastyń medısınalyq kartasyn taldady. AQSH-tyń jalpy halqynyń kórsetkishimen salystyrǵandaǵy aıyrmashylyq 13,8 jyldy qurady.
Zertteý avtorlary merziminen buryn ólimge tolyqtaı aldyn alýǵa bolatyn sebepter basty yqpal etetinin atap ótti. Aýtızmi bar adamdar tumaý, ókpe qabynýy, aryqtaý nemese sýǵa ketýden jıi qaıtys bolady.
Ómir boıy týyndaıtyn qıyndyqtar men alǵashqy medısınalyq kómekke qoljetimdiliktiń shekteýli bolýy olardyń densaýlyǵyna kúndelikti tónetin qaýipti aıtarlyqtaı arttyrady, deıdi zertteýshiler.
Mamandar zertteý nátıjeleri aýtızm bıologıasyn zertteýden góri naýqastardyń ómir súrý sapasyn naqty jaqsartýǵa basymdyq berýge kómektesedi dep úmittenedi. Úıde qoldaý kórsetý baǵdarlamalaryn damytý men qarapaıym vaksınasıanyń qoljetimdi bolýy ólim-jitimdi aıtarlyqtaı azaıta alady.