Shyǵys Qazaqstan oblysynda oryndalǵan jumystar men jetkizilgen taýarlar úshin aqshasyn ala almaı júrgen ondaǵan kásipker aqyry óz qarajatyn aldy. Bul týraly infohub.kz saıty habarlaıdy.
Altaı aýdanynyń prokýratýrasy kásipkerlerdiń quqyqtaryn qorǵaý salasyndaǵy zańnamanyń saqtalýyn tekserý barysynda «Altaı aýdanynyń aýdanaralyq aýrýhanasy» sharýashylyq júrgizý quqyǵyndaǵy komýnaldyq memlekettik kásiporny tarapynan buzýshylyqtar anyqtady. Medısınalyq mekeme shart boıynsha mindettemelerin ýaqytyly oryndaǵan jetkizýshiler aldynda merzimi ótken qaryzdyń paıda bolýyna jol berdi.
Prokýrorlyq qadaǵalaý aktisi engizilgennen keıin aýrýhana 37 kásipker aldyndaǵy qaryzyn tolyq ótedi. Tólengen qarajattyń jalpy somasy 106,47 mıllıon teńgeni qurady.