Sınoptıkter 2026 jylǵy tamyzǵa boljam jasady: eldiń ońtústigi men batysynda negizinen ystyq aýa raıy kútilse, soltústik jartysynda jańbyrly, naızaǵaıly ortasha ystyq bolady. Bul týraly infohub.kz saıty habarlaıdy.
Tamyzdyń birinshi onkúndiginde respýblıkanyń basym bóliginde belsendi soltústik-batys sıklony men atmosferalyq fronttarǵa baılanysty aýa raıy turaqsyz bolady. Sınoptıkter naızaǵaıly jańbyr, qatty jel, keı jerlerde burshaq túsetinin boljaıdy. Aıdyń ortasynda soltústikte, ortalyqta, shyǵysta, sondaı-aq ońtústik-shyǵystyń taýly jáne taý bókterindegi aýdandarynda qatty jańbyr jaýýy múmkin.
Sonymen qatar, eldiń batysy men ortalyǵynda birinshi onkúndiktiń ortasynan bastap jaýyn-shashynnyń qysqa merzimge toqtaýy kútiledi.
Birinshi onkúndikte Qazaqstannyń batysy men soltústik-batysynda kúndizgi temperatýra birtindep +25…+35°S-tan +34…+39°S-qa deıin kóteriledi. Atyraý oblysynyń ońtústiginde termometr baǵany +41°S-qa jetýi múmkin, Mańǵystaý oblysynda +35…+40°S-tan +39…+44°S-qa deıin.
Soltústikte jáne Qostanaı oblysynda kúndiz temperatýra +25…+35°S-tan +20…+28°S-qa deıin tómendeıdi, alaıda onkúndiktiń sońyna qaraı +30…+38°S-qa deıingi ystyq qaıta oralady. Ońtústikte ystyqtyń tómendeýi aıtarlyqtaı bolady: +39…+44°S-tan +29…+36°S-qa deıin.
El ortalyǵy men shyǵysynda aýa raıy almasyp turady: qatty ystyq +33…+41°S, sodan keıin qalypty jyly aýa raıy +22…+31°S. Ońtústik-shyǵysta temperatýra +34…+39°S (Jambyl oblysynda +42°S-qa deıin) men +27…+35°S aralyǵynda aýytqıdy.
Tamyzdyń ekinshi jáne úshinshi onkúndikterinde respýblıkanyń soltústik jartysynda túnde aýa temperatýrasy +3…+8°S-tan +10…+18°S-qa deıin, kúndiz +17…+25°S-tan +25…+35°S-qa deıin bolady.
Eldiń batysy men ońtústik jartysynda túnde +17…+27°S-tan +13…+18°S-qa deıin, kúndiz +32…+42°S-tan +25…+35°S-qa deıin tirkeledi.
Buǵan deıin «Kýrsıv» Qazaqstannyń kóptegen óńirinde 1 tamyzǵa daýyl eskertýi jarıalanǵanyn habarlaǵan edi: naızaǵaı, burshaq, qatty jel, shańdy daýyl jáne +44°S-qa deıin qatty ystyq kútiledi.