«№405 avıajóndeý zaýyty» AQ basqarma múshesi Konstantın Ýshakov alty jyl ishinde jalpy somasy 425,3 mln teńge kóleminde syıaqy aldy. Tek 2025 jyldyń qorytyndysy boıynsha onyń tólemderi 114,2 mln teńgeni qurady, bul bir jyl burynǵydan 56,8%-ǵa artyq, dep habarlaıdy infohub.kz saıty.
Kompanıa derekterine sáıkes, keminde 2020 jyldan beri basqarma quramyndaǵy Ýshakovtyń syıaqysy jyl saıyn derlik ósip otyrǵan. 2020 jyly ol 43,3 mln teńge alsa, 2025 jyly bul soma 114,2 mln teńgege deıin ósken. Bes jyl ishinde tólemder 2,6 esege, ıaǵnı 70,9 mln teńgege artqan.
Jyldar boıynsha syıaqy mólsheri: 2020 jyl – 43,3 mln teńge; 2021 jyl – 43,6 mln teńge; 2022 jyl – 49 mln teńge; 2023 jyl – 102,4 mln teńge; 2024 jyl – 72,8 mln teńge; 2025 jyl – 114,2 mln teńge.
Adata málimetinshe, «№405 avıajóndeý zaýyty» AQ-nyń 53 aksıoneri bar. Kásiporynnyń negizgi qyzmet túri – áýe jáne ǵaryshtyq ushý apparattaryn jóndeý jáne tehnıkalyq qyzmet kórsetý (OKED 33160).
Qarjylyq eseptilikke sáıkes, kompanıanyń 2024 jylǵy taza paıdasy bir jyl burynǵy 2,5 mlrd teńgege qarsy 2,8 mlrd teńgeni qurady.
Eseptilikte kásiporynnyń túpkilikti benefısıarlary da kórsetilgen: M. Ibragımova, P. Shodıev jáne E. Sýrlevıch. Bul, eń aldymen, Eurasian Resources Group negizin qalaýshylardyń biri Álıjan Ibragımovtyń jesiri Muqadasqan Ibragımova, ERG-tiń taǵy bir negizin qalaýshysy Patoh Shodıev, sondaı-aq qaıtys bolǵan Aleksandr Mashkevıchtiń jıeni Edýard Sýrlevıch týraly bolýy múmkin.
Buǵan deıin «Kýrsıv» ERG aksıalarynyń 40%-y resmı túrde «Samuryq-Qazynaǵa» ótkenin jazǵan bolatyn.