Kún saıyn bir avokado jeý «jaman» holesterın deńgeıin tómendetip, qan tamyrlaryn bláshkalardan qorǵaıdy, dep habarlaıdy infohub.kz saıty.
Pensılvanıa shtatynyń ýnıversıtetiniń ǵalymdary ishtik semizdigi bar eresekterge kúndelikti rasıonǵa bir avokado qosý tyǵyzdyǵy tómen lıpoproteınderdiń (LPNP) usaq tyǵyz bólshekteriniń konsentrasıasyn tómendetýge kómektesetinin anyqtady. Mundaı holesterın túri eń qaýipti, sebebi ol arterıa qabyrǵalaryna ońaı enip, bláshkalardyń paıda bolýyna yqpal etedi.
Zertteýge 25 jastan asqan 786 adam qatysty. Qatysýshylardyń jartysy ádettegideı tamaqtansa, ekinshi top alty aı boıy kún saıyn bir avokado jedi. Nátıjesinde jemis áýesqoılarynda qaýipti LPNP bólshekteriniń konsentrasıasy orta eseppen lıtrine 49 nanomolge tómendedi. Avtorlardyń baǵalaýynsha, mundaı qarapaıym tamaqtaný ádeti júrek-qan tamyrlary aýrýlarynyń damý qaýpin shamamen 4%-ǵa tómendetýge qabiletti. Oń áser qatysýshylardyń jasyna, jynysyna jáne násiline qaramastan baıqaldy. Sonymen qatar, synalýshylardyń dene salmaǵy men bel sheńberi ózgermegen.