2026 jyldyń alǵashqy alty aıynda qazaqstandyq avtokólik ıeleri tehnıkalyq qyzmet kórsetý jáne jóndeý stansıalaryna 179,6 mlrd teńge jumsaǵan. Bul ótken jyldyń sáıkes kezeńimen salystyrǵanda 25%-ǵa artyq, dep habarlaıdy infohub.kz saıty.
Al ınflásıany eseptemegende, naqty kórsetkish nebári 8,1%-ǵa ósken. Iaǵnı, aınalymnyń ósýiniń basym bóligi qyzmet baǵasynyń qymbattaýyna baılanysty.
2026 jyldyń maýsymynda avtokólikke tehnıkalyq qyzmet kórsetý jáne jóndeý bir jyl burynǵydan orta eseppen 13,5%-ǵa qymbattaǵan. Jyl basynan beri baǵa taǵy 7,5%-ǵa ósken, al eń úlken sekiris sáýirde tirkelgen — bir aıda 4,6%-ǵa.
Bir jyl ishinde STO qyzmeti eń qatty Pavlodar oblysynda qymbattaǵan — 76,5%, Ulytaý oblysynda — 21,5%, Mańǵystaý oblysynda — 20%, Jetisý oblysynda — 18,6%, Abaı oblysynda — 17,9% jáne Qostanaı oblysynda — 17,5%.
İri qalalar arasynda baǵa ósimi boıynsha Almaty kósh bastap tur — qyzmet 15,2%-ǵa qymbattaǵan. Astanada ósim 13,6% bolsa, Shymkentte bir jyl ishinde baǵa ózgermegen.
2025 jyldyń qorytyndysy boıynsha qazaqstandyq avtoservısterdiń qyzmet kólemi 435,3 mlrd teńgege jetken. Almatyǵa 139,3 mlrd teńge, Astanaǵa 73,1 mlrd, Atyraý oblysyna 34,9 mlrd teńge tıesili. Bul aımaqtar birge naryqtyń 56,8%-yn qamtamasyz etken.
El boıynsha shamamen 8,9 myń STO men avtoservıs jumys istegen. Eń kóbi Almatyda (shamamen 1,3 myń), Qaraǵandy oblysynda (919) jáne Astanada (767).
2020 jyldyń birinshi jartyjyldyǵymen salystyrǵanda STO qyzmetiniń kólemi shamamen 4,3 ese ósken.