Qazaqstandyq jeńil atlet Aıana Bolatbekqyzy dopıng synamasynyń oń nátıjesinen keıin Japonıadaǵy Azıa oıyndaryna qatysýdan ýaqytsha shettetildi, dep habarlaıdy infohub.kz saıty.
Tıisti málimdemeni Halyqaralyq testileý agenttigi (ITA) jarıalady. Qujatta kórsetilgendeı, sportshynyń synamasy drostanolon metabolıti — 3α-gıdroksı-2α-metıl-5α-androstan-17-onnyń bolýyna qatysty qolaısyz analıtıkalyq nátıje berdi.
«Halyqaralyq dopıng-testileý agenttigi (ITA) Azıa Olımpıadalyq keńesiniń (OCA) atynan qazaqstandyq jeńil atlet Aıana Bolatbekqyzynyń synamasy drostanolon metabolıti — 3α-gıdroksı-2α-metıl-5α-androstan-17-onnyń bolýyna qatysty qolaısyz analıtıkalyq nátıje bergenin habarlaıdy», — delingen ITA málimdemesinde.
Agenttik drostanolon spesıfıkalyq emes sýbstansıa retinde jikteletinin jáne jarys kezinde de, jarystan tys ta kez kelgen ýaqytta tyıym salynǵanyn túsindirdi.
«Sportshy bul is týraly habardar etildi jáne is Dúnıejúzilik dopıngke qarsy kodekske jáne OCA-nyń dopıngke qarsy erejelerine sáıkes sheshilgenge deıin dereý kúshine enetin jarystarǵa qatysýdan ýaqytsha shettetildi. Bul sportshyǵa Azıa oıyndary kezinde óner kórsetýge, jattyǵýǵa, jattyqtyrýshylyq qyzmetpen aınalysýǵa nemese qandaı da bir qyzmetke qatysýǵa tyıym salynǵanyn bildiredi», — dep habarlady uıymda.
Sportshy ýaqytsha shettetý engizýge Sporttyq arbıtraj sotynyń — Dopıngke qarsy bóliminde (CAS ADD) shaǵymdanýǵa quqyly. Sondaı-aq ol B synamasyn taldaýdy talap etýge quqyly.