Qazaqstandyq aýyr atletshi Aıanat Jumaǵalı Azıada-2026-nyń 77 kelige deıingi salmaq dárejesinde kúmis júldeger atandy. Qossaıys qorytyndysy boıynsha ol 246 kelini baǵyndyryp, Qazaqstan quramasyna osy týrnırdegi aýyr atletıkadan alǵashqy medalin syılady, dep habarlaıdy infohub.kz saıty.
Julqý jattyǵýynda Jumaǵalı 109 kelini tirkese, serpýde 137 keli salmaqtaǵy shtangini múdirmeı kóterdi.
Altyndy qytaılyq He Jensú jeńip aldy – 258 keli (118+140). Qola júldeni Irannan kelgen Reıhane Karımı ıelendi, onyń qosyndysy 243 keli (107+136).
AZIADA-2026
27 qyrkúıek. Aýyr atletıka. 77 kelige deıin. Áıelder
🥇 He Jensú (Qytaı) – 258 keli (118+140)
🥈 Aıanat Jumaǵalı (Qazaqstan) – 246 keli (109+137)
🥉 Reıhane Karımı (Iran) – 243 keli (107+136)
Buǵan deıin búgin tuǵyrǵa Araı Nurlybekova shyqqan bolatyn. 69 kelige deıingi salmaq dárejesinde qazaqstandyq sportshy julqýda 98 keli, serpýde 118 keli kóterdi. 216 kelilik qosyndy oǵan jetinshi oryndy áperdi.
Japonıadaǵy XX jazǵy Azıa oıyndary 19 qyrkúıekte resmı túrde ashyldy. 45 eldiń sportshylary qatysatyn jarysta 460 medal jıyntyǵy sarapqa salynýda. Azıada-2026-da Qazaqstan quramasynyń namysyn 35 sport túrinen 558 sportshy qorǵaýda.
Azıada-2026 sholýlary: 1-kún, 2-kún, 3-kún, 4-kún, 5-kún, 6-kún, 7-kún.