«Sh. Bashıkov atyndaǵy negizgi mektep» KMM
«Zańǵar» ákeler keńesiniń jetekshi muǵalimi: Nýrmýhanova B.M.

Saıystyń taqyryby: «Aıbyndy bizdiń ákeler».

Maqsaty:
Ákemen, bala mektep arasyndaǵy baılanysty nyǵaıtý, salaýatty ómir saltyn nasıhattaý jáne kez – kelgen jaǵdaıdan shyǵa biletin jeke tulǵa tárbıeleý.
- Qurmetti ata - analar, ustazdar, saıysqa qatysýshy ákeler! Búgingi ákeler arasynda ótkizgeli otyrǵan «Aıbyndy bizdiń ákeler» saıysyn ashýǵa ruqsat etińizder. Qatysýshylardyń barlyǵyna sát – sapar tileıik!

Ýa, halaıyq,
Munda nazar salaıyq.
Ata jolyn jalǵamaq,
El dástúrin qoldamaq,
Jigitter shyqsyn ortaǵa!(qoshemetpen ákelerdi ortaǵa shaqyrý)
- Ádilqazy, aq qazyǵa bir sálem.
Ádildikke bas ıedi kúlli álem!
Júırik ozar aıtystarda neshe bir
Sarapqa sap ádildikpen sheshe bil. (ádilqazylar alqasymen tanystyrý)
Ádilqazylar: (bes kisi)

Qýan dalam, qýanatyn kún búgin,
Ákeler synǵa túser kez búgin.
Tamashalap kórińiz jigitterdiń ónerin,
Toptyń jeńimpazyn anyqtaıtyn kún búgin. (toptar rettik nómirin anyqtaıdy)

- Óner qýyp ákeler óter deımiz,
Bir basyna óneri jeter deımiz.
Saıysqa kelgen ákeler kezektesip,
Tanystyryp ózderin keter deımiz.(toptarǵa sóz)

1. Toptyń aty
2. Áni, urany
3. Shar úrleý (ár toptan 1 kisi, 1 mınýtta).
4. Án «Qazaqtyń dástúrleri – aı»
5. Dopty salý (ár kisi – 3retten)
6. «Symbat» toby «Temekiniń aǵzaǵa tıgizetin zıany» týraly derektermen tanystyryp, kitapshalar taratady.
7. Konfet ashý (ár top múshesi)
8. Kórinis «Bala kútýshi»
9. Sýret salý (ár top múshesi)
10. Bı «Qazaq bıi»
11. Kim mergen? (ár top múshesi, 3 retten)
12. Jumbaq sheshý (ár topqa 3 jumbaqtan jasyrý)
13. Án «Altyn besik»
14. Kim epti? (ár top múshesi, ýaqytqa balany kıindirý)
15. Án «Qazaq eli osyndaı»
16. Úı tapsyrmasy (ár top óz tapsyrmasyn qorǵaıdy)
17. Bı «Ózbek bıi»

- Qurmetti qaýym, qadirli qonaqtar! Ózderińizben birge tamashalaǵan «Aıbyndy bizdiń ákeler» saıysy da aıaqtaldy. Toqsan aýyz sózdiń tobyqtaı túıin anyqtaý úshin sózdi ádilqazylar alqasyna beremiz.
- Júldegerlerdi marapattaý.