AQSH-tyń Vırgınıa shtatynyń turǵyny tańǵy ýaqytta oıanyp, aýzyna jarǵanat kirmek bolǵanyn baıqap, shoshyp ketti. Oqıǵa Rıchmond qalasynda bolǵan. Áıel júz jylǵa jýyq tarıhy bar úıde turady. Gastroenterolog dáriger Krısta Edelmannyń aıtýynsha, ol erninde dymqyl ári túkti birdeńeni sezip, kózin ashqanda jarǵanat ekenin túsingen. Áıel aıǵaılap, janýardy edenge qaǵyp túsirgen, sodan keıin ony shelekpen jaýyp, medısınalyq kómekke júgingen, dep habarlaıdy infohub.kz.
Jedel járdem dárigeri Adam Landsıdiń túsindirýinshe, jarǵanattardyń tisteri óte usaq, sondyqtan olardyń shaǵýy kóbinese baıqalmaı qalady, biraq qutyrý juqtyrý qaýpi joǵary. Vırgınıa densaýlyq saqtaý departamentiniń mamany Djýlıa Merfı jarǵanat tabylǵan jaǵdaıda dereý mamandarǵa habarlasýdy usyndy. Janýardy taldaýǵa jiberdi, nátıje eki kúnnen keıin belgili bolyp, qutyrý aýrýy teris shyqty. Krısta Edelman adamdardy osyndaı jaǵdaıda durys áreket etýge úıretý úshin áleýmettik jelilerde vıdeo jarıalady.