2 qyrkúıekten bastap №81/82 Talgo "Nurly jol – Oral" jolaýshylar poıyzynda áıelder vagony paıda bolady. Bul qyzmetke suranystyń joǵary bolýyna baılanysty osyndaı sheshim qabyldandy, dep habarlaıdy infohub.kz saıty.
Poıyz elorda men Batys Qazaqstan oblysy arasynda kúnara qatynaıdy, toǵyz aıaldama qarastyrylǵan. Jańa vagon iske qosylǵannan keıin "Áıelder vagony" qyzmeti bar baǵyttar sany 13-ke jetedi. Qazirgi ýaqytta mundaı vagondar kelesi baǵyttarda bar: Almaty – Mańǵystaý, Almaty – Óskemen, Pavlodar – Túrkistan, Mańǵystaý – Semeı, Atyraý – Nurly jol, Almaty – Aqtóbe, Nurly jol – Almaty, Nurly jol – Shymkent, Aqtóbe – Almaty, Almaty – Shymkent, Nurly jol – Semeı jáne Oral – Mańǵystaý.
Áıelder vagonynda tek áıelder jáne eresekterdiń ertip júrýimen jeti jasqa deıingi ul balalar ǵana júre alady. Bıletterdi temirjol kasalarynan nemese tasymaldaýshynyń resmı saıtynan "JN" belgisine nazar aýdaryp satyp alýǵa bolady. Satylym jóneltýge 45 táýlik qalǵanda bastalady.