Shyǵys Qazaqstan oblysyndaǵy tas jolda júrgizýshiler joldyń dál ortasynan shyqqan aıýǵa tap boldy. Kýágerlerdiń aıtýynsha, janýar álsiregen kórinedi, dep habarlaıdy infohub.kz.
Oqıǵa SHQO-nyń Marqakól aýdanyndaǵy Aqjaılaý men Urynhaıka aýyldary arasyndaǵy jolda boldy. Jergilikti turǵyndar jabaıy ańdy beınege túsirip alǵan. Oqıǵa ornyna polısıa jáne orman sharýashylyǵy qyzmetkerleri jedel jetti.
Kýágerlerdiń sózine qaraǵanda, aıý jeńil kólikter men motosıklderge eshqandaı agresıa tanytpaǵan. Janýardyń álsiregeni sonshalyq, kómekke muqtaj bolýy múmkin.
Marqakól aýdanynyń ákimdigi oqıǵa ornyna Marqakól orman sharýashylyǵy men polısıa bóliminiń qyzmetkerleri shyqqanyn habarlady. Aldyn ala málimetterge sáıkes, aıý taýly aımaqqa qaraı bettegen.
Orman sharýashylyǵy zardap shekkender joq ekenin, turǵyndardyń ómiri men densaýlyǵyna qaýip tónip turǵan joq dep málimdedi. Quzyrly organdar jaǵdaıdy baqylaýda ustap otyr.
Oblys bıligi jergilikti turǵyndardy saqtyq sharalaryn saqtaýǵa shaqyrady: jabaıy janýarǵa jaqyndamaý, ony tamaqtandyrýǵa nemese qýdalaýǵa árekettenbeý, sondaı-aq tańerteń jáne keshke orman massıvinde serýendeýden ýaqytsha bas tartý.