Shyǵys Qazaqstan oblysynda aıý adamǵa shabýyl jasady. Oqıǵa shilde aıynyń sońynda Rıdder qalasyndaǵy Batys Altaı memlekettik tabıǵı qoryǵynyń mańyndaǵy demalys bazasynyń janynda bolǵan. Zardap shekken — pasekada jumys isteıtin 58 jastaǵy er adam, dep habarlaıdy infohub.kz saıty.
Janynda bolǵan eki er adam zardap shekkenge aıýdan qorǵanýǵa kómektesip, aıý qashyp ketken, bul adamnyń ómirin saqtap qalǵan. Alaıda er adam birneshe kún reanımasıada, sodan keıin travmatologıa bólimshesinde jatqan. Rıdder qalalyq aýrýhanasynyń málimetinshe, naýqastyń basynda, qoldary men aıaqtarynda kóptegen jaraqattar, onyń ishinde qoly men aıaǵynyń ashyq synyqtary bolǵan. 19 tamyzda naýqas úıine shyǵarylyp, emdelýin jalǵastyrýda.
Orman jáne ańshylyq sharýashylyǵy jedel áreket etý otrády bastyǵynyń orynbasary Sergeı Karmannıkovtiń aıtýynsha, oqıǵa bolǵan soń birden oqıǵa ornyna karabınmen qarýlanǵan ınspektorlar shyqqan. Aıý joıylǵan, qazir eshqandaı qaýip joq. Ol sondaı-aq aıýdyń adamǵa nelikten shabýyl jasaǵanyn naqty aıta almaıtynyn jetkizdi.
Karmannıkov bıyl turǵyndardan óte kóp ótinish túsip jatqanyn, ınspektorlar oqıǵa ornyna baryp, aıýlardy qorqytatynyn aıtty. Tótenshe jaǵdaıda, eger adamǵa naqty qaýip tónse, janýarlar atylady. Ol bul onyń tájirıbesindegi aıýdyń adamǵa shabýyl jasaǵan alǵashqy jaǵdaı ekenin atap ótti: «Men úsh jyl jedel otrádta jumys isteımin, orman sharýashylyǵynda jıyrma jylǵa jýyq — mundaıdy esime túsire almaımyn».
Onyń aıtýynsha, SHQO-da aıýlar kóbeıip ketken. Ótken jyly ınspektorlar aıýlardyń kóp tól ákelgenin, árqaısysynda eki-úsh kúshik bolǵanyn atap ótken. Biraq ótken jáne bıylǵy jyldar ónimsiz boldy: aıaz ben qurǵaqshylyq saldarynan ormanda jıdekter men kedr jańǵaqtary is júzinde joq. Osyǵan baılanysty aıýlar adamdarǵa shyǵyp, qoqys úıindilerinen, tastalǵan saıajaılar men baqshalardan azyq izdeıdi.
Eske salaıyq, buǵan deıin Óskemendegi SES mańynda aıý baıqalǵan. Taǵy bir aryq aıý SHQO-nyń Marqakól aýdanynda júrgizýshilerge jolǵa shyqqan.