Birikken Arab Ámirlikteriniń Qorǵanys mınıstrligi eldiń aýmaqtyq sýlarynda ırandyq ushqyshsyz ushaqty ustap alǵanyn habarlady, dep habarlaıdy infohub.kz.
X áleýmettik jelisinde jarıalanǵan resmı málimdemede vedomstvo BAÁ Áýe kúshteri Iran tarapynan jaqyndaǵan ushqyshsyz ushaqty anyqtaýǵa jedel áreket etkenin atap ótti. Mınıstrlik eldiń Qarýly kúshteri yqtımal qaýipterge qarsy turý úshin joǵary daıyndyq jaǵdaıynda ekenin, al áýe qorǵanys júıeleri memlekettiń áýe keńistigin táýlik boıy baqylap, qorǵaýdy jalǵastyryp jatqanyn rastady.
Sondaı-aq málimdemede jurtshylyq tek resmı aqparat kózderine senýi kerek jáne qaýeset taratýdan nemese dál emes derekterdi taratýdan aýlaq bolýy qajettigi atap kórsetilgen.
«Sınhýa» agenttiginiń málimetinshe, Iran armıasy BAÁ-degi amerıkandyq Al-Mınhad áýe bazasyna ushqyshsyz ushaqtarmen shabýyl jasaǵanyn málimdedi. Soqqylar birneshe ondaǵan drondar arqyly bazadaǵy amerıkandyq tikushaqtar men áskerı qyzmetkerler ornalasqan aýdandarǵa jasaldy.
Buǵan deıin AQSh teńiz mınalaryn ornatýdy boldyrmaý úshin Ormýz buǵazyndaǵy Iran nysandaryna soqqy bergeni habarlanǵan bolatyn. Jaýap retinde Iran Iordanıadaǵy amerıkandyq áýe bazalaryna soqqy bergenin málimdedi.