2025 jyly «Baıterek» ulttyq ınvestısıalyq holdıńiniń top-menedjerleri 440 mln teńge kóleminde syıaqy aldy. Basqarma múshesiniń árqaısysyna jylyna ortasha eseppen 62,9 mln teńge tıesili boldy, dep habarlaıdy infohub.kz.
Kvazımemlekettik «Baıterek» holdıńi óz top-menedjerleriniń 2025 jylǵa 440 mln teńge alǵanyn málimdedi. Bul somaǵa jalaqy men syılyqaqylar kiredi. Ótken jylmen salystyrǵanda holdıń basshylarynyń tabysy 20 paıyzǵa ósken.
«Baıterektiń» basqarma quramyna jeti múshe kiredi, jyl boıy onyń quramy ózgergen joq. Bular — basqarma tóraǵasy Rýstam Qaraǵoıshın jáne onyń orynbasarlary: Nurbolat Aıdapkelov (holdıń josparlary men mindetteriniń oryndalýyn baqylaý), Ersaıyn Hamıtov (qarjy-esep saıasaty), Ǵalym Ósen (sıfrlandyrý jáne tehnologıalar), Vácheslav Son (quqyqtyq jáne korporatıvtik máseleler), Jandos Shaıhy (bıznesti qoldaý), Tımýr Onjanov (halyqaralyq yntymaqtastyq jáne strategıa).
Osylaısha, holdıń basqarmasynyń ár múshesine jylyna ortasha eseppen 62,9 mln teńge syıaqy tıesili boldy, ıaǵnı aıyna ortasha 5,24 mln teńge.
Buǵan deıin «AstanaGaz KMG» («Samuryq-Qazynanyń» enshiles kompanıasy) 2025 jyly basqarma múshelerine 154,1 mln teńge syıaqy tólegeni habarlanǵan edi.