Qyzylorda oblysynda er adam týǵan aǵasyn balaǵattaǵany úshin 40 saǵat qoǵamdyq jumysqa sottaldy, dep habarlaıdy infohub.kz.
Oqıǵa Qyzylorda qalasynda bolǵan. Tegi jarıalanbaǵan N. azamaty bir jyl ishinde eki ret ákimshilik quqyq buzýshylyq jasap, týǵan aǵasyna balaǵat sózder aıtqan. Sot muny otbasylyq-turmystyq qarym-qatynastaǵy adamǵa qurmettemeýshilik tanytý dep baǵalaǵan.
«Sot otyrysynda N. azamaty kinásin tolyq moıyndap, jasaǵan isine ókinish bildirdi. N. azamatynyń kinási onyń túsindirmesimen, jábirlenýshiniń aryzy men túsindirmesimen, sondaı-aq is materıaldarymen dáleldendi», — delingen sot habarlamasynda.
Nátıjesinde N. kináli dep tanylyp, oǵan 40 saǵat qoǵamdyq jumys jazasy kesildi.