Astana qalasy
№64 mektep - lıseıdiń
bastaýysh synyp muǵalimi
Týlepbergenova Gýlmıra Amanovna

Sabaqtyń taqyryby: Balalar elin baǵyndyrý. N. Aqyshev.
Sabaqtyń maqsaty:
Bilimdik: ertegi mazmunyn oqyp, túsiný arqyly taqyryby men ıdeıasyn ashýǵa, ony ómirmen baılanystyrýǵa múmkindik berý.
Damytýshylyq: óz betimen taldaý, saralaý, qoldaný arqyly shyǵarmashylyq tapsyrmalardy oryndatý.
Tárbıelik: adam ómirindegi jan - jaqty úılesimdilik degen uǵymdy túsinýge múmkindik jasaý.
Sabaqtyń ádisi: toptaý, «Bir aınalym sóılesý» strategıasy.

Sabaqtyń barysy:
1. Qyzyǵýshylyǵyn oıatý.
Oqýshylarǵa qoıylatyn suraq:
- Balalarǵa jaqsy ómir súrý úshin ne kerek?
Oqýshylar kóptegen jaýaptar aıtady. Osy jaýaptarynyń ishinen tómendegi alty sóz alynyp, olar osy sózder boıynsha toptarǵa bólinip otyrady.

a) Alty top ta óz attarynyń kúndelikti ómirdegi qajettigin qorǵap, 3 - 4 sóılemnen turatyn esse jazady.

2. Maǵynany taný.
Ár topqa ertegi mazmunyn túsinip oqý tapsyrylady.
Óz toptarynyń attary bolyp turǵan uǵymnyń paıdaly, zıandy jaqtaryn terip jazady.
Mátindi oqı otyryp, túsinbegen sózderdi túrtip alyp otyrady.
Jumys aıaqtalǵan soń, ár toptan bir oqýshy shyǵyp, mazmunyn áńgimeleıdi. Taqtadaǵy plakat ne ınteraktıvti taqtaǵa jumys nátıjesi túsiriledi. Oqýshylardyń sóıleýi kezinde olarǵa suraqtar qoıylady: Mysaly:
- «Oıyn» toby, ózderińniń bastapqy pikirlerine ózgeris kirgizdińder me?
- «Eńbek» toby, sender balanyń qandaı eńbekpen shuǵyldanǵanyn qalaısyńdar?
- «Oqý» toby, adam qansha jyl bilim alý kerek dep oılaısyńdar?
- «Sport» toby, senderge ómirde sportpen shuǵyldanýǵa kedergi keltiretin ne dep oılaısyńdar?
- «Óner» toby, adam qansha óner túrin ıgere alar edi? (Mysaly, til úırený de - óner).
- «Kitap» toby, keıbir balalar nelikten kitapty oqymaıdy?
Oqýshylarmen pikirlesýdi óte uzaq sozýdyń qajeti shamaly.

3. Oıtolǵaý.
Bul kezeńniń ártúrli nusqalaryn usynamyz:
1. Ár top ózderine berilgen atpen (sózben) baılanysty bir - bir sóılemnen aıtady (6 adam sóıleıdi). Bul «Bir aınalym sóılesý» strategıasy dep atalady. Mysaly: Bala oıynmen ósedi. Adamdy adam etken - eńbek. Sport - densaýlyq kepili, t. s. s.
2. Ár topqa óz attaryna baılanysty maqal - mátelder jazý usynylady.
Oqýlyqtyń 11 - betindegi sońǵy suraqtar boıynsha ertegini oısha jalǵastyrý nemese jazý. Bul jerde balalarǵa zıandy ádetterdiń dáleli kórneki, anyq bolý kerek.
Túsinbegen sózdermen jumys kezinde oqýlyqtaǵy sózdikti paıdalanýǵa bolady.