Balýan Sholaq Baımýrzın (1864 - 1919jj.)
Balýan Sholaq (shyn aty Nurmuhambet, keıde Nurmaǵambet dep te ataıdy) Baımýrzın qazirgi Kókshetaý oblysy, Eńbekshiler aýdanynda týǵan. Ákesi kedeı sharýa bolǵan.
Balýan Sholaq Birjan bastaǵan ánshi - aqyndar dástúrin ustap, ánniń áýenin de, sózin de qatar shyǵarǵan jáne ony ózi oryndaǵan. Bul turǵydan alǵanda ol Arqada ánshilik ónerin damytýǵa kóp úles qosqan ánshi de. Sonymen birge Balýan - Sholaq sportpen jiti shuǵyldanyp kúreske túsken, at ústinde san alýan oıyndar kórsetken.
Balýan - Sholaq óziniń shyǵarmalarynda halyq muńyn muńdap, qazaqtyń bı - bolystary men baılarynyń ádiletsizdikterine, sondaı - aq patsha úkimetiniń ozbyr Chınovnıkteriniń zorlyq - zombylyǵyna qarsy kúresedi.
Onyń kóptegen ánderi men óleńderi halyq arasynda mol taraǵan. Ásirese Balýan - Sholaqtyń Ǵalıa, Dikildek, Qulan kisines, Jelip - jelip t. b. birneshe ánderi el aýzynda osy kúnge deıin aıtylyp keledi.