Taıland astanasyn qatty mýsondyq jańbyrlar qamtydy: Bangkok bıligi qalanyń barlyq 50 aýdanynda tabıǵı apat rejımin engizdi. Sebebi — nóser jańbyr men kenetten bolatyn sý tasqyny qaýpi, dep habarlaıdy infohub.kz saıty.
Jarıalanym dereginshe, táýlik ishinde keıbir aýdandarda 210 mm-ge deıin jaýyn-shashyn tústi. Sý ondaǵan kóshege shyǵyp, kólik qozǵalysy is júzinde toqtap qaldy, al keıbir turǵyndar qaıyqpen júrýdi tańdap otyr. Ásirese astananyń shyǵysynda jaǵdaı qıyn — onda kanaldar tolyp, sý kóshelerden tartylmaı tur.
Jergilikti bılik turǵyndardan zattary men tehnıkasyn bıik jerge kóterip, múmkindiginshe úıden shyqpaýdy surady.
Basylym atap ótkendeı, daýyldy eskertý 27 qyrkúıekke deıin kúshinde, biraq aýa raıynyń jaqsarýy men sýdyń tartylýy 28–29 qyrkúıekke qaraı kútiledi.
Týrıserge jolǵa, ásirese áýejaılarǵa, vokzaldarǵa nemese astananyń negizgi kólik toraptaryna barar jolda kóbirek ýaqyt qaldyrýǵa keńes beriledi. Jolǵa shyǵar aldynda jol jaǵdaıyn tekserip, tótenshe qyzmetterdiń, týrızm basqarmasynyń jáne týrısik polısıanyń jedel jelilerin paıdalaný usynylady.
Aıta keteıik, Bangkok aımaǵynda maýsymnan qarashaǵa deıin jańbyrly maýsym jalǵasady. Eń ylǵaldy aýa raıy, kóp tropıkalyq nóser men naızaǵaı qyrkúıek pen qazanda baıqalady.