Bank SentrKredıttiń negizgi basqarý personalynyń syıaqysy 2026 jyldyń birinshi jartyjyldyǵynda 2 mlrd teńgege jetip, ótken jyldyń sáıkes kezeńimen salystyrǵanda 36%-ǵa ósken. Bul týraly infohub.kz saıty habarlaıdy.
Basqarma jáne dırektorlar keńesi múshelerine tólengen jalpy tólemder 2025 jylǵy qańtar-maýsymdaǵy 1,48 mlrd teńgeden bıylǵy jyly 2 mlrd teńgege deıin ósti. Al banktiń jartyjyldyqtaǵy taza paıdasy 16%-ǵa – 123 mlrd teńgege deıin, al operasıalyq paıdasy 10%-ǵa – 153,9 mlrd teńgege deıin tómendedi.
2026 jyldyń birinshi jartyjyldyǵynda basqarma quramy ózgerdi: naýryzda vıse-prezıdent Rýstam Tenızov odan shyǵaryldy, al shildede onyń ornyn Rýstem Abyshev basty. Basqarmada turaqty negizde tóraǵa Rýslan Vladımırov, Nurlan Shegebaev jáne Anastasıa Ovsánnıkova boldy.
Bank tobynyń dırektorlar keńesi de ózgeriske ushyrady: naýryzda Djýmageldi Amanqulov pen Verner Klaas odan shyǵarylyp, olardyń ornyn Dmıtrı Popov pen Ádil Muhamedjanov basty. Keńestiń turaqty músheleri banktiń negizgi aksıonerleri – Bahytbek Baıseıitov (52% aksıa) men Vladıslav Lı (12%), sondaı-aq Anvar Saıdenov pen Danıar Shaıahmetov bolyp qaldy.
Aıta keteıik, BSK-nyń baqylaý paketiniń ıesi Bahytbek Baıseıitov Forbes nusqasy boıynsha Qazaqstannyń eń baı adamdary tiziminde $858 mln baılyǵymen 13-orynda tur.
Buǵan deıin BCC Invest enshiles kompanıasynyń basqarma jáne dırektorlar keńesi músheleri 2026 jyldyń birinshi jartyjyldyǵynda 480,8 mln teńge kóleminde syıaqy alǵany habarlanǵan bolatyn.