Qazaqstanda ózin-ózi jumyspen qamtyǵandardyń áleýmettik tólemderin bank qosymshalary arqyly avtomatty túrde ustap, aýdarý usynylýda. Mundaı norma Ulttyq ekonomıka mınıstrligi daıyndaǵan Salyq kodeksine engiziletin túzetýler jobasynda qarastyrylǵan, dep habarlaıdy infohub.kz saıty.
Tólemderdi avtomattandyrýmen qatar, ázirleýshiler ózin-ózi jumyspen qamtyǵandarǵa arnalǵan arnaıy salyq rejımin qoldana alatyn azamattardyń sheńberin naqtylaýdy usynady. Ózgerister áleýmettik salyq shegerimderine de áser etedi, olardy qoldanýdy jeńildetý josparlanýda.
Azamattar úshin taǵy bir ózgeris qarastyrylǵan – memlekettik bajdy qaıtarýdy proaktıvti formatqa kóshirý kózdelýde.
Túzetýler áli qabyldanǵan joq. Joba «Ashyq NQA» portalynda jarıalanyp, 2026 jyldyń 25 qyrkúıegine deıin qoǵamdyq talqylaýda bolady.
Ózgerister marketpleısterge de áser etedi. Qazaqstandyq alańdarǵa sheteldik satýshylarmen jasalatyn operasıalar boıynsha salyq agenti fýnksıalaryn berý usynylýda. Sonymen qatar, ınternet-alańdarǵa salyqtyq baqylaýdyń qosymsha tetikterin engizý josparlanýda.
Bıznes úshin jekelegen rásimderdi jeńildetý qarastyrylǵan. Jeke kásipkerler men jeke praktıkamen aınalysatyn adamdarǵa qyzmetin toqtatqan kezde jeke salyq ótinishin berý qajettiligin joıý usynylady. Qajetti málimetter tikeleı taratý salyq eseptiliginde kórsetiledi.
Sondaı-aq, alty aıdan astam ýaqyt ótelmegen eleýli salyq bereshegi bolǵan jaǵdaıda elektrondyq shot-faktýralardy jazyp berýdi toqtata turý usynylady.
Basqa da bastamalar qatarynda – taýarlardy mindetti tańbalaýǵa ketken shyǵystarǵa ósirý koefısıentin qoldaný, ekinshi deńgeıli bankterdiń faktorıńtik jáne forfeıtıńtik operasıalaryn QQS-tan bosatý, ınvestısıalyq salyq preferensıalaryn keńeıtý jáne rezıdent emestermen operasıalardy salyq salýdy naqtylaý bar.