Májilis depýtaty Baqqojaev jasóspirimder tárbıesine qatysty pikir bildirdi. Onyń aıtýynsha, mekteptegi balanyń tártibi men tárbıesine eń aldymen muǵalim jaýapty bolýy kerek.
«Mektep – tárbıe ordasy. Sondyqtan balanyń minez-qulqy men qoǵamdyq júris-turysyna muǵalim jaýap berýi tıis. Biraq biz muǵalimderdi qaǵazbastylyqqa kómip, negizgi mindetinen alshaqtatyp otyrmyz. Júktemesin azaıtyp, tárbıege shyn máninde kóńil bólýine múmkindik berýimiz kerek», – dedi depýtat.
Baqqojaevtyń pikirinshe, tárbıe jumysy – pedagogtyń basty mısıasy, alaıda oǵan tıisti qoldaý men jaǵdaı jasalmaıynsha, nátıjeli jumys kútý qıyn.