Sergitý sátteri (1 - 4 synyp)

Sabaq arasynda bastaýysh synyp oqýshylary tez sharshaıtynyn bilemiz sondyqtan sabaq ortasynda oqýshylardy bir ret sergitip alǵan jón. Tómendegi óleńder sergitý sátinde qoldanýǵa bolady. Bul sergitý sátterine arnalǵan óleńderdiń kelesisi
1. Bir, eki, úsh, bir, eki, úsh,
Boıǵa jınap kúsh.
Jattyǵý jasap alaıyq,
Bir dem alyp qalaıyq.

2. Bir, eki, úsh
Boıǵa jınap kúsh.
Jattyǵýdy jasaımyz
Shynyǵýdy bastaımyz.

3. Joldaryńa úńilip,
Eki baqa júgirip,
Sekiredi, baq - baq,
Aǵashtardy attap.
Olar erte turady,
Beti - qolyn jýady.
Ońǵa - solǵa shaıqalyp,
Baqyldaıdy án salyp.
Sýdan shirkeı tabady,
Ósip úlken bolady.
Baq - baq, naq - naq,
Bizder aıttyq taqpaq.
/B. Bóribaev/

3. Bir, eki – eńkeı,
Búgilmesin tizeń.
Úsh - tórt shalqaı
Iilmesin tizeń.
Qoldy kóter aspanǵa
Saýsaqty sóz, jasqanba.
/B. Bóribaev/

4. Qoldaryńdy kóterińder – bir deıik.
Kóp otyryp, qatty sharshap júrmeıik.
Qoldy sozdyq, basty burdyq – eki dep,
Qozǵalyspen árbir adam jetiledi.
Alǵa, artqa qaradyq ta – úsh dedik.
Taǵy jańa jattyǵýlar istedik.
Túsireıik qoldy tórt pen besti aıtyp,
Otyraıyq kóńildi endi marqaıtyp.
/B. Bóribaev/

5. Ońǵa túzý tur,
Solǵa túzý tur.
Alǵa bir adym
Artqa bir adym.
Ońǵa burylyp,
Solǵa úńilip
Joǵary, tómen qaraıyq,
Ornymyzdy tabaıyq.

6. Ońǵa, solǵa buryldyq,
Alǵa, artqa ıildik.
Tizemizdi búktirip,
Qoldy sozdyq tik turyp.

7. Sekiremiz top - top,
Shapalaqtap kóp - kóp.
Iilemiz ońǵa qaraı bir, eki, úsh,
Iilemiz solǵa qaraı bir, eki, úsh.

8. Biz baldyrǵan balamyz,
Qustaı qanat qaǵamyz.
Dúnıeni aralap,
Oqyp bilim alamyz.
Kózdi salyp qarańyz,
Bylaı qanat qaǵamyz.
/B. Bóribaev/

9. Tez qozǵalyp osylaı
Jattyǵýlar jasaıyq.
Jaqsylyqty úırenip,
Jamandyqtan qashaıyq.
/B. Bóribaev/

10. Tereńdet oıyńdy,
Tik usta boıyńdy.
Qustarǵa usaıyq,
Qalyqtap ushaıyq.
Shyq alǵa oń qanat,
Shyq alǵa sol qanat,
Sharshaǵan kezderde
Qonaıyq jorǵalap.
/B. Bóribaev/

11. Bir úıde biz nesheýmiz?
Kel sanaıyq, ekeýmiz.
Bas barmaǵym – papam,
Balań úırek – apam.
Ortan terek – aǵam
Shyldyr shúmek – men
Tıtteı bóbek – sen.
Bir úıde biz nesheýmiz?
Bir úıde biz beseýmiz.

12. Aınadaǵy beınedeı,
Qımyldardy qaıtala.
Bir sóz aıtsań sen oǵan
O - dan jaýap qaıta ma?
/B. Bóribaev/

13. Aınaǵa qaraımyn
Shashymdy taraımyn.
Baqytty bolamyn,
Symbatty bolamyn.
Árqashan tazamyn,
Bárinen ozamyn.

14. Endi biz demalamyz,
Aınalany sholamyz.
Qol - aıaqty kezekpen,
Ońǵa - solǵa sozamyz.
Kún shyqqanda súıinip,
Báısheshekteı ıilip,
Biz tynyǵyp alamyz.
Jıi - jıi jattyǵyp,
Úlken kisi bolamyz.
/ B. Bóribaev/

15. Alǵa qaraı bir adym,
Artqa qaraı bir adym
Bir ornymda qozǵalyp,
Kezek basyp turamyn.
Joǵary, tómen qaraıyq.
Ornymyzdy tabaıyq.

16. Biz beseýmiz, beseýmiz.
Bes tarmaqty juldyzbyz.
Biz beseýmiz, beseýmiz
Aq qalpaqty qundyzbyz.
Aıaǵymyz qaıda eken,
Tez qozǵalsaq paıda eken.
Bizden bıik sekirer
Myqty jandar bar ma eken?

17. Ońǵa bir,
Solǵa bir,
Burylyp joldary,
Jolaýshy júredi.
Sońynan júgirip,
Butaǵa úńilip,
Súrinip, tyǵylyp
Kúshigi úredi.
/B. Bóribaev/

18. Bala, bala, balaqaı,
Qol soǵaıyq, alaqaı!
Bir, eki, úsh dep aıtaıyq,
Saýsaqtarda tartaıyq.
Jalqaý bala bolmaıyq,
Qoldy qysyp, oınaıyq.
/B. Bóribaev/

19. Al, balalar, turaıyq.
Alaqandy uraıyq
Ońǵa qaraı ıilip
Solǵa qaraı ıilip
Bir otyryp, bir turyp,
Boıymyzdy sozaıyq
Belimizdi jazaıyq.
Ońǵa - ońǵa túzý tur
Solǵa - solǵa túzý tur
Joǵary - tómen qaraıyq
Qolymyzdy sozaıyq
Boıymyzǵa kúsh jınap
Bir shynyǵyp alaıyq.

20. Ornymyzdan turamyz,
Qos búıirdi syǵamyz.
Ońǵa, solǵa burylyp,
Bir aınalyp shyǵamyz.
Bir, eki, úsh, tórt, bes
Qoldy qolǵa uramyz.
/B. Bóribaev/

21. Kóp otyryp, sharshadyq,
Qozǵalýdy ańsadyq.
Júgirgimiz keledi
Ádemilep án salyp,

Top - top basaıyq,
Jattyǵýlar jasaıyq.
Qaıyrymdy jan bolyp,
Jamandyqtan qashaıyq.

Ushqandaı bop kekilik,
Bıik - bıik sekirip,
Oınap - oınap, tez ósip,
Ketemiz biz jetilip.

Turyp qalmaı jantaıyp,
Bir eńkeıip, shalqaıyp,
Jyldam - jyldam qozǵalyp,
Asqaq ánder aıtaıyq.
/B. Bóribaev/