Aldaǵy kúnderi Qazaqstannyń barlyq derlik aımaǵynda jańbyr kútiledi, biraq eldiń batys óńirlerine +44 gradýsqa deıingi óte kúshti aptap qaıta oralady, dep infohub.kz saıty habarlaıdy.
Sınoptıkter 23-25 shilde aralyǵyna aýa raıy boljamyn usyndy. Soltústik-batys sıklony Qazaqstan aýmaǵy arqyly ótip, naızaǵaıly jańbyr ákeledi, keıbir aýdandarda qatty nóser jaýýy múmkin, eldiń kóp bóliginde burshaq túsýi yqtımal.
Salqyn aýa massalarymen qorektenetin sıklon temperatýranyń tómendeýine ákeledi. Alaıda batys óńirlerge Iran aımaqtarynan jyly jáne qurǵaq aýa massalary kele bastaıdy.
«Qazgıdromettiń» dereginshe, bul jaýyn-shashynnyń toqtap, temperatýranyń kóterilýine alyp keledi: kúndiz kúshti ystyq +34…+39 gradýs, keıbir aýdandarda óte kúshti ystyq +40…+44 gradýs kútiledi.