Almaty qalasy
MKQK №162 bóbekjaı - balabaqshasy
Kýspanova Janat Rymǵalıqyzy – joǵary sanatty tárbıeshi

II kishi top
Kiriktirilgen uıymdastyrylǵan oqý is - áreketi
(Qatynas, tanym, shyǵarmashylyq bilim berý salalary boıynsha)
Taqyryby: «Baýyrsaq» ertegisi jelisimen...
Maqsaty:
1. Balalardyń ertegiler týraly túsinikterin keńeıtý. «Baýyrsaq» ertegisindegi keıipkerlerdiń tapsyrmalaryn oryndaı otyryp, ómir qaýipsizdigi erejelerin saqtaý, dostyq týraly balalar bilimin keńeıtý. Zattardy salystyryp, «qansha?» «teń» sózderin qoldana otyryp jaýap berýge úıretýdi jalǵastyrý.
2. Olardyń oılaý qabiletterin damytý, qyzyǵýshylyqtaryn arttyrý, sózdik qoryn molaıtý. Balalardyń yntasyn arttyrý. Shyǵarmashylyq daǵdylaryn jetildire otyryp qıalyn oıatý.
3. Janýarlarǵa, tabıǵatqa degen aıaýshylyq sezimine, bir - birimen dos bolýǵa tárbıeleý.

Sózdik jumys: dostyq, qaýipti.
Bılıngvaldy komponent: dos - drýg, ertegi - skazka
Kórnekiligi: qýyrshaq teatry, atrıbýttar, slaıd kórsetý, taratpa materıaldar.

Motıvasıalyq - qozǵaýshylyq
Balalar mýzyka áýenimen kirip, jartylaı sheńberge turyp qonaqtarmen amandasady.
Araılap tań atty
Altyn sáýle taratty
Jarqyrap tur dalamyz
Jarqyrap tur qalamyz
Qaıyrly tań balalar!

Esik qaǵylyp qonjyq keledi. Balalarmen amandasyp, qys boıy uıyqtap jatqanyn, anasynan adasyp qalǵanyn, qazir jyldyń qaı mezgili ekenin surap bilýge kelgenin aıtady.
Balalar qonjyqqa kómektesemiz be?
Qonjyq balalarǵa kóktem mezgili týraly endi túsingenin, ormanǵa anasyn izdeýge ketetinin aıtyp, balalarmen qoshtasady.

Uıymdastyrý - izdestirý
Baýyrsaq keledi. Balalar bizge adasyp kim keldi?
- Baýyrsaq sen qaıdan keldiń?
- Ertegiler áleminen keldim. Ata men ájeden qashyp kettim.
Balalar Baýyrsaq durys istedi me?
Nege?
Durys aıtasyńdar balalar. Kishkentaı balalarǵa jalǵyz júrýge bolmaıdy. Óıtkeni ol - qaýipti.
- Baýyrsaq, seni ormanda ańdar jep qoısa ne isteısiń?
- Joq, olar meni jemeıdi. Óıtkeni men olarǵa óleń aıtyp beremin.
- Qandaı óleń aıtasyń?
- Ájeı qoıma qyrnaǵan, Eki ýys un jınaǵan Balqaımaqqa shylaǵan, Pisirip maımen sylaǵan Ataıdan da qutyldym, Ájeıden de qutyldym Qoıan senen qutylý Qıyn emes bul maǵan!
Interaktıvti taqtadan slaıd kórsetý.
Mine baýyrsaq ata men ájeden qashyp, ormanǵa ketip barady. Aldynan ne kezdesedi?
Qoıan tapsyrmasy bar eken, oryndaımyz ba balalar?
Teńestirý, salystyrý.
Ormanda ushyp júrgen kóbelekterdi gúlderge qondyraıyq. Balalar bizdiń kóbelekter jerge qonyp alypty, endi ár kóbelektiń tómengi jaǵyna gúl qoıamyz.
Gúldi kútemiz, aıalaımyz. Ol adamǵa qýanysh ákeledi.

Tolyq nusqasyn júkteý