Baıandama «Urpaq tárbıesi - barshamyzǵa ortaq»
Adam tárbıeleý uly mindet. Uly mindet qashannan uly kúrespen ǵana júzege asyrylady. Erteńgi keler kúnniń búgingiden góri nurlyraq bolýyna yqpal etip, adamzat qoǵamyn alǵa aparatyn kúsh - bilim. Qaı eldiń bolsyn ósip - órkendeýi, órkenıetti dúnıede ózindik oryn alýy ulttyq bilim júıesiniń damý baǵytyna tikeleı baılanysty. Elbasy N. Nazarbaev «Qazaqstan - 2030» strategıalyq baǵdarlamasynda memlekettik mereıin ósirip, irgesin bekiterlik uzaq merzimdi asymdaqtar qatarynda bilimniń atalýy da sondyqtan. Egemen elimizdiń keleshegi úshin deni saý, rýhy kúshti jeke adamdy qatarǵa qosý, jalpy ortaq mindet.

Bala - ǵumyr jalǵasy, tirshilik kózi. Qaı halyq bolsyn, úmitin eń aldymen, urpaǵynan kútedi. Janǵan otyn sóndirmeı, tútinin tútetetin artyna urpaq qaldyrýdy kózdeıdi. Bala tezirek ósip jetilgisi keledi. Er bala erjetýge qumar da, qyz boıjetýge qumar. Úlkendershe sóılegisi, úlkendershe kıingisi, úlkender jasaǵan qylyqty qaıtalap, eresek kóringisi keledi.

Qazir biz ǵasyrlar toǵysynda ómir súrip otyrmyz. Búgingi jastar arasynda adam aǵzasyn azdyryp, orny tolmas ókinishke soqtyǵar temeki men ishimdikke áýestenýshiler kóbeıip barady. Muny az deseńiz ǵasyr indetine aınalyp úlgergen esirtki de etekten alyp jatyr. Bulardan tolyqqandy, ultjandy azamattardyń shyǵa qoıýy neǵaıbil. Jaman ádet juqpaly aýrýdaı sol jaman ádet - qylyqtardy boıymyzǵa juqtyrmaý úshin halyq bolyp kúresetin kún týdy. Úndi halqynyń tamasha maqaly bar: «Jaqsy men jamannyń aıyrmasy sıyr men jylannyń aıyrmasyndaı, biri - shópti sútke aınaldyrady, al ekinshisi shópti ýǵa aınaldyrady». Balaǵa beriletin tárbıe de sol sıaqty, orny men ýaqytyn durys tańdaı bilmese, orynsyz, túp - negizsiz berile salǵan tárbıe jemis bermeıdi. Jat ádetterden aýlaq bol dep qur sózben aıtpaı, ata - ana óz isimen kórsetýi kerek. Otbasyndaǵy kıkiljiń, urys - keris sıaqty jaman oqıǵalar balaǵa keri áser etedi.

A. Husaıynov atyndaǵy jalpy orta bilim beretin mektebi
Oqyǵan: Bekmanov S. A.

Baıandama «Urpaq tárbıesi - barshamyzǵa ortaq». júkteý