Býrátıada magnıtýdasy 6,7 bolatyn kúshti jer silkinisi boldy. Bul Irkýtsk oblysynyń birneshe qalasynyń turǵyndaryn úılerinen shyǵýǵa májbúr etti, dep habarlaıdy infohub.kz saıty.
Seısmıkalyq oqıǵa Týnkın aýdanynda tirkeldi. Reseı TJM aımaqtyq basqarmasynyń habarlaýynsha, epısentr Kyren eldi mekeninen soltústik-batysqa qaraı 7,6 km jerde bolǵan. Vedomstvo habarlamasynda: "Týnkın aýdanynda seısmıkalyq oqıǵa tirkeldi. Epısentr Kyren eldi mekeninen soltústik-batysqa qaraı 7,6 km qashyqtyqta ornalasqan", - delingen.
Reseı ǵylym akademıasynyń Biryńǵaı geodezıalyq qyzmetiniń Baıkal bólimshesi jer silkinisiniń energetıkalyq klasy 12,9, magnıtýdasy shamamen 6,7 bolǵanyn naqtylady. Jer asty dúmpýlerin Irkýtsk, Angarsk, Slúdánka jáne Shelehov turǵyndary sezdi. Kózáýegerlerdiń aıtýynsha, ǵımarattarda lústralar men jıhazdar shaıqalyp, keı adamdar asyǵa úı-jaılarynan shyǵyp ketken.
Jarıalanym kezinde qıraǵandar men zardap shekkender týraly aqparat kelip túsken joq. Mamandar seısmıkalyq ahýaldy baqylaýdy jalǵastyrýda.