Қазақстан Премьер-министрі Олжас Бектенов көлік министрі мен әкімдіктерге көлік қозғалысын басқару және кептелістің алдын алу жұмыстарын бастауды тапсырды, деп хабарлайды infohub.kz сайты.
Үкімет отырысында Олжас Бектенов жедел урбанизацияға байланысты елдің көлік инфрақұрылымына түсіп отырған салмақ мәселесін көтерді.
Ол Көлік министрлігіне ұлттық деңгейдегі бірыңғай цифрлық көлік жүйесін құруды тапсырды. Бектеновтің айтуынша, бұл жүйе көлік активтерін толық есепке алуды қамтамасыз етіп, қозғалысты нақты уақыт режимінде басқаруға, жүктемені болжауға және ықтимал тәуекелдерді алдын ала анықтауға мүмкіндік береді.
"Үлкен қалаларда жергілікті жол кептелісіне ден қоюдан көлікті жүйелі басқаруға көшу қажет. Бұл азаматтардың ұтқырлығына, қауіпсіздікке және қалалық ортаның сапасына тікелей әсер етеді", - делінген баяндамада.
Бектенов Көлік министрлігіне әкімдіктермен бірлесіп, екі айлық мерзімде ірі қалалардағы ең көп жүктеме түсетін көлік учаскелерін анықтауды және оларда көлік ағындарын интеллектуалды басқаруды пилоттық түрде іске қосуды тапсырды.
"Қорытындысы бойынша ең тиімді шешімдерді кеңінен енгізуді қамтамасыз ету қажет", - деп тапсырды Олжас Бектенов.