Premer-mınıstr Oljas Bektenov Úkimet otyrysynda «Qazaqstan temir joly» (QTJ) ulttyq kompanıasynyń jumysyn synǵa aldy. Onyń aıtýynsha, qoldanylyp jatqan sharalar temirjolmen tranzıttik tasymal kólemin jylyna 55 mln tonnaǵa deıin arttyrýǵa múmkindik beredi, alaıda kompanıanyń qazirgi jumysy qanaǵattanarlyqsyz dep tanylyp, jaǵdaıdy túzetý qajet, dep habarlaıdy infohub.kz saıty.
Bektenov kólik salasynyń tıimdiligin arttyrý úshin birqatar tapsyrma berdi. «Kólik mınıstrligi „Qazaqstan temir joly“ kompanıasymen birlesip jyl sońyna deıin negizgi temirjol magıstraldarynyń qurylysyn aıaqtap, vokzaldardy jańǵyrtýdy aıaqtaýy tıis. Avtomobıl joldarynyń qurylysy men kúrdeli jóndeý aıasynda olardyń normatıvtik talaptarǵa saı bolýyn qamtamasyz etý qajet. Mýltımodaldy tranzıt kólemin arttyrý úshin kólik salasyn sıfrlyq transformasıalaý qajet», — dep málimdedi premer-mınıstr.
Osylaısha, 2026 jyldyń sońyna deıin Qazaqstanda temirjoldar qurylysy boıynsha negizgi jobalar aıaqtalyp, vokzal keshenderin jańǵyrtý qarqyny jedeldeıtin bolady. Tapsyrmalardyń oryndalýy kólik ınfraqurylymynyń ótkizý qabiletin jáne tranzıt kólemin edáýir arttyrady dep kútilýde.