Goland-palestınalyq tekti amerıkandyq sýpermodel Bella Hadıd Instagram-da jankúıerlerimen kezdesýinen foto jarıalady. Jazylýshylar modeldiń qolynan qazaqstandyq shokoladty baıqady, dep habarlaıdy infohub.kz saıty.
Alǵashqy sýretterde model jankúıerlerimen birge túsken, qolynda eshteńe joq. Alaıda keıingi kadrlarda ol kók qaptamadaǵy qazaqstandyq shokoladty ustap tur.
Jarıalanymda model óziniń kosmetıkalyq brendin qoldaǵany úshin jankúıerlerine alǵys aıtty. «Kóńildi boldy! Biz muny qalaı isteımiz!! Otbasymmen birge ultabeauty. Halyqaralyq deńgeıge shyǵyp jatqan «tuńǵyshym» – Orebella týraly bólek aıtqym keledi. Sizdermen kezdesý jáne ortaq otbasymyzdy qurý – ómirimdegi eń úlken ári eń ádemi jetistikterim. Qudaıǵa shúkir», – dep jazdy Bella Hadıd.
Qazaqstandyq jazylýshylar sýretterdiń birinde modeldiń qolynda qazaqstandyq shokoladty baıqaǵan soń, kóptegen pikir qaldyra bastady. «Qazaqtar vezde», «Janym Bella», «A cheı eto týt shokolad», – dep jazdy jankúıerler pikirlerde.
Anyqtalǵandaı, bul is-shara 2025 jyldyń qarasha aıynda Dýbaıda ótken, alaıda Bella Hadıd fotony tek 2026 jyldyń 22 qyrkúıeginde jarıalaǵan. Dýbaıda modelmen kezdesýge barǵan Instagram qoldanýshysy aakzha.n oǵan qazaqstandyq shokoladty syılaǵan. «Bellany Qazaqstanda kútemiz. Qazaqstandyq shokoladsyz bolmaıdy», – dep jazdy ol.