Brıtandyq akterler Benedıkt Kamberbech, Alan Kammıng jáne Benedıkt Vong The Guardian gazetinde birlesken maqala jarıalap, Ulybrıtanıanyń mádenıet mınıstri Lıza Nendıdi Paramount pen Warner Bros. Discovery kompanıalarynyń 111 mıllıard dollarǵa baǵalanǵan birigý kelisimine tosqaýyl qoıýǵa shaqyrdy, dep habarlaıdy infohub.kz saıty.
Olardyń pikirinshe, medıa alyptardyń birigýi brıtan kınoındýstrıasyna eleýli zıan keltiredi. Akterler korporasıalar kóp mıllıardtyq qaryzdy jabý úshin shyǵyndardy qysqarta bastaıdy dep qaýiptenedi. Bul jappaı jumystan bosatýǵa, josparlanǵan túsirilimderdiń toqtatylýyna jáne jańa kıno jobalardyń azaıýyna ákeledi.
Sonymen qatar, akterler Channel 5 jáne CNN International sıaqty jańalyqtar resýrstarynyń bir ıegerdiń qolynda shoǵyrlanýyna alańdaýshylyq bildirdi. Olar Ulybrıtanıa bıligi ulttyq kınobıznesti qorǵaý úshin kelisimdi buǵattaý týraly sheshimdi óz betinshe qabyldaýy kerek dep esepteıdi. Bul rette Paramount basshylyǵy kelisimdi AQSh sotynyń sheshimine deıin keıinge qaldyrýǵa keliskenin atap ótken jón.