Germanıa astanasynda Ekinshi dúnıejúzilik soǵys kezeńiniń áýe bombasy tabyldy. Ol tabylǵan jerde tótenshe jaǵdaı rejımi engizilip, halyq jappaı evakýasıalandy, dep habarlaıdy infohub.kz saıty.
RBK Berlın polısıasyna silteme jasap habarlaǵandaı, oq-dári Germanıa astanasynyń ońtústik-batysynda ornalasqan Noıkeln aýdanyndaǵy keme júzetin kanaldan tabylǵan. Oqıǵa ornyna jarylǵysh zattardy zalalsyzdandyrý mamandary jedel jetti.
Jergilikti BAQ málimetinshe, bomba tabylǵan jerdiń aınalasyna radıýsy shamamen 500 metr bolatyn qorshaý ornatylǵan. Quqyq qorǵaý organdary qyzmetkerleri 5,6 myń úı sharýashylyǵynyń turǵyndaryn, sondaı-aq mektepterde, qarttar úılerinde jáne balabaqshalarda bolǵan adamdardy evakýasıalady.
Tabylǵan snarádtyń salmaǵy shamamen 100 keli ekeni atap ótiledi. Qazir saperler ony zalalsyzdandyrý jumystaryn júrgizýde.