Berlın kınofestıvalinde bas júldege ıe bolǵan «Sny rekı» derekti fılmi Almatydaǵy QYZQARAS festıvaliniń ashylý fılmi bolady. Kórsetilim 20 tamyzda «Selınnyı» zamanaýı mádenıet ortalyǵynda ótedi, dep habarlaıdy infohub.kz saıty.
Qazaqstandyq kórermender úshin bul fılmniń halyqaralyq tusaýynan keıin úlken ekranda kórinýi alǵashqy múmkindik bolady. Fılm Qazaqstan arqyly aǵatyn Aqsaı ózeni týraly baıandaıdy. Rejıser Krıstına Mıhaılova ózenniń 130 shaqyrymdyq jolymen júrip, jaǵasynda turatyn áıeldermen tanystyrady. Keıipkerlerdiń suhbattary tús pen poetıkalyq beınelermen astasyp, ózendi áıelder kúshiniń metaforasyna aınaldyrady.
Fılm avtorlary atap ótkendeı: «Fılm ústindegi jumys bes jylǵa sozyldy. Osy ýaqyt ishinde túsirý toby júzden astam suhbat júrgizip, myńdaǵan suraq qoıdy, al jaýaptar Qazaqstan áıelderiniń birtutas ujymdyq daýysyna aınaldy».
Mıhaılovanyń debútiniń álemdik tusaýy Berlın halyqaralyq kınofestıvalinde ótip, onda fılm ekýmenıkalyq qazylar alqasynyń syılyǵyn aldy. Osydan keıin fılm 20-dan astam halyqaralyq kınofestıvalge shaqyrtý aldy.
QYZQARAS festıvali Almatyda 20-30 tamyz aralyǵynda ótedi. Ol kınodaǵy áıelder kózqarasyna, áıel-rejısserlerdi qoldaýǵa jáne femınıstik kıno tilin damytýǵa arnalǵan.