Manǵystaý oblysynda bes adamnyń ómirin qıǵan jol apatynan keıin joldy tıisinshe kútip-ustamaý isi boıynsha úkim shyqty. Bul týraly infohub.kz saıty habarlaıdy.
Bas kólik prokýratýrasynyń málimetinshe, Manǵystaý oblysy Beıneý aýdandyq soty 2026 jylǵy 16 qańtarda Dossor – Qulsary – Beıneý – Saı-Otes – Shetpe – Jetibaı – Aqtaý respýblıkalyq mańyzy bar tas jolynda bolǵan jol-kólik oqıǵasy boıynsha qylmystyq isti qarady.
«Taqtaı muz saldarynan Yutong markaly jolaýshylar avtobýsy joldan shyǵyp, aýdarylyp qaldy. Apat saldarynan bes adam qaza taýyp, taǵy 14 adam jaraqat aldy», — dedi qadaǵalaý organynda.
Tergeý barysynda qaıǵyly oqıǵanyń sebebi avtojoldyń qysqy tıisinshe kútilmeýi ekeni anyqtaldy. Tergeý jaýapty tulǵalardyń áreketcizdigi men oryn alǵan zardaptar arasyndaǵy tikeleı sebep-saldarlyq baılanysty dáleldedi.
«Bul Qazaqstannyń quqyq qoldaný praktıkasyndaǵy alǵashqy qylmystyq is, onda avtojoldyń qysqy tıisinshe kútilmeýi adamdardyń qazasy úshin qylmystyq jaýapkershilikke tartýǵa negiz boldy», — dep qosty Bas kólik prokýratýrasy.
Sot úkimimen «QAJServıs» JSHS Manǵystaý oblystyq fılıaly JEB-57 bastyǵy Qazaqstan Respýblıkasy Qylmystyq kodeksiniń 353-baby 4-bóligi boıynsha kináli dep tanyldy. Oǵan 2 jyl 6 aı bas bostandyǵynan shekteý jazasy shartty túrde taǵaıyndaldy.
Aıta keteıik, úkim áli zańdy kúshine engen joq.