Jańa «Bankter týraly» zańǵa sáıkes, ámbebap lısenzıa qarjy mekemelerine shekteýsiz barlyq bank operasıalaryn júrgizýge múmkindik beredi. Bul týraly infohub.kz saıty habarlady.
15 shildede Qarjy naryǵyn retteý jáne damytý agenttigi bes zańdy tulǵaǵa ámbebap bank lısenzıasyn bergenin málimdedi. Zań eki túrli lısenzıany qarastyrady: ámbebap jáne bazalyq. Birinshisi kez kelgen operasıalardy júrgizýge quqyq beredi, al ekinshisi — shekteýli: depozıtter tartýǵa, azamattar men bıznesti nesıeleýge, esep aıyrysý-kassalyq qyzmet kórsetýge múmkindik beredi, biraq rezıdent emesterge nesıe berýge, týyndy qarjy quraldarymen jumys isteýge jáne sheteldik aktıvterge ınvestısıalaýǵa tyıym salady.
Qazaqstandaǵy barlyq bankter zań kúshine engennen keıin alty aı ishinde óz lısenzıalaryn ámbebap nemese bazalyq lısenzıaǵa aýystyrýǵa mindetti.
Ámbebap lısenzıany «Alatau City Bank» AQ, «ForteBank» AQ, «Kaspi Bank» AQ, «Qazaqstan Halyq Banki» AQ (Halyk Bank), «Frıdom Bank Qazaqstan» AQ (Freedom Bank) aldy. Barlyq jaǵdaıda lısenzıalar bankaralyq nesıeler men kepildikter sıaqty qosymsha qarjy operasıalaryn qamtıdy. Freedom Bank-ke qosymsha metal shottaryn ashý jáne júrgizý, sondaı-aq turǵyn úı qurylys jınaqtaryna depozıtter qabyldaý kórsetilgen.
Al Qazaqstan bankterinde 90 kúnnen astam merzimi ótken nesıelerdiń úlesi (NPL 90+) 2026 jyldyń basynan beri 14%-ǵa ósti.