Astrofızıkter alǵash ret Kún júıesinen tys planetadan kelgen radıosıgnaldy tirkedi. Sıgnal kózi Jerden 64 jaryq jyly qashyqtyqta ornalasqan, dep habarlaıdy infohub.kz saıty.
Ashylymdy Ońtústik Afrıkada ornatylǵan MeerKAT radıoteleskopynyń kómegimen amerıkandyq ǵalymdar toby jasady. Qabyldanǵan sıgnal — qaıtalanyp keletin radıojarylystar. Olardy Beta Pictoris b ekzoplanetasymen baılanystyrýǵa múmkindik týdy.
Bul planeta — jas gaz gıganty, massasy Iýpıterden shamamen 12 ese aýyr. Ol Beta Pictoris juldyzynyń aınalasynda aınalady jáne Jerden shamamen 64 jaryq jyly qashyqtyqta. Bir jaryq jyly — shamamen 9,5 trln kılometr, sondyqtan sıgnal bizge birneshe ondaǵan jyl boıy jetip kelgen.
Alaıda bul — ózge órkenıettiń habarlamasy emes. Zertteýshilerdiń pikirinshe, radıojarylystar polárlik shuǵylalardan týyndaǵan: planetadaǵy bólshekter onyń magnıt órisiniń syzyqtary boıymen qozǵalyp, atmosferadaǵy gazben soqtyǵysady. Sonyń nátıjesinde Kún júıesindegi planetalardaǵy polárlik shuǵylalarmen uqsas radıotolqyndar paıda bolady.
Dál osy sıgnal ǵalymdarǵa ekzoplanetanyń magnıt órisin alǵash ret tikeleı baǵalaýǵa múmkindik berdi. Ol keminde 1 250 gaýss — Iýpıterdiń magnıt órisinen shamamen 290 ese, al Jerdikinen shamamen 2 500 ese kúshti.
Buǵan deıin Kursiv LifeStyle nemis startapy Isar Aerospace Spectrum zymyranyn sátti ushyrǵanyn habarlaǵan. Ushyrý Norvegıadaǵy Annóıa ǵarysh aılaǵynan júzege asty. Bul zymyrannyń ekinshi synaq ushýy edi.