Beıneleý páni boıynsha oıyndar

Dıdaktıkalyq oıyn: «Órnek qurastyr»
Maqsaty: Ártúrli pishinder men elementterden óz betimen órnek qurastyrý. Balalardyń shyǵarmashylyq oılaý qabiletterin damytý.
Sharty: Kvadrat, tikburyshty, dóńgelek aq qaǵaz betine úlgige qarap, órnekterdi túsine, pishinine, kólemine sáıkes sımmetrıaly ornalastyrý.

Dıdaktıkalyq oıyn: «Negizgi jáne qosymsha tústi tap»
Maqsaty: Túster men olardyń reńkterin anyqtaýǵa, negizgi jáne qosymsha tústerdi ajyratýǵa úıretý. Sýyq jáne jyly tústerdi ajyratý daǵdylaryn bekitý.
Sharty: 1 varıant: Sýyq jáne jyly tústerdi jeke ornalastyrý.
2 varıant: Arıfmetıkalyq amaldar arqyly negizgi tústerden «qosý, azaıtý» kómegimen qosymsha tústerdi shyǵarý.

Dıdaktıkalyq oıyn: «Jyl mezgiliniń tústerin ata»
Maqsaty: Boıalmaǵan sýretterge jaqyn boıaý tústerin tabýǵa úıretý. Shyǵarmashylyq oılaý qabiletterin damytý.
Sharty: Jyl mezgilderiniń sýretterine baılanysty boıaý túrlerin ózbetterimen tańdaý.

Dıdaktıkalyq oıyn: «Áteshti boıaýǵa tús tańda»
Maqsaty: Balalarǵa tústerdi tańdaý, salystyrý, ajyrata bilýge úıretý.
Sharty: Berilgen túrli - tústi kartochkalardan sýrettegi boıaý túrine sáıkestendire tústerdi tańdap alý.

Dıdaktıkalyq oıyn: «Portret salý»
Maqsaty: Adamnyń qýanysh, qorqynysh, t. b. sezimderin beıneleı bilýge úıretý. Balalardyń qıalyn, oılaý qabiletterin damytý.
Sharty: Adamnyń portretine qajetti boıaý, qosymsha zattardy tańdaý.
Bas múshelerdi qaǵaz betine durys ornalastyrý.

Dıdaktıkalyq oıyn: «Syńaryn tap»
Maqsaty: Sılýetti nemese kontýrly beınelerge sáıkes zattardyń beınesin tabýǵa úıretý.
Sharty: Berilgen túrli pishindegi zattardyń tanys beınelerine syńaryn tabý.

Dıdaktıkalyq oıyn: «Sımmetrıaly zattar»
Maqsaty: «Sımmetrıa» uǵymymen tanystyrý. Sımmetrıaly zattardy anyqtaý jáne ajyrata bilýge úıretý. Keńistikti baǵdarlaý daǵdylaryn damytý.
Sharty: Berilgen keskinderdi sımmetrıaly ornalastyrý, qaǵaz betinde durys qoıý.

Dıdaktıkalyq oıyn: «Kóbelektiń sýretin jalǵastyr»
Maqsaty: Qaǵaz betine túrli pishinderden zattyń daıyn sýretin qurastyra bilýge úıretý. Balalardyń qıaly men shyǵarmashylyǵyn damytý.
Sharty: Daıyn úlgige qarap, geometrıalyq pishinderden kóbelekti qurastyrý.

Dıdaktıkalyq oıyn: «Sýretti jalǵastyr»
Maqsaty: Sýrettegi aıaqtalmaǵan úlgini óz qıaly boıynsha aıaqtaýǵa úıretý. Balalardyń qıalyn, shyǵarmashylyǵyn damytý.
Sharty: Berilgen úlgidegi sýretterdi aıaqtaý.