Mańǵystaý oblysynda Qazaqstan boıynsha alǵash ret qysta joldy durys ustamaǵany úshin sot úkimi shyqty. Jolaýshylar avtobýsynyń qatysýymen bolǵan apatta bes adam qaza tapty, dep habarlaıdy infohub.kz.
Beıneý aýdandyq soty 2026 jylǵy 16 qańtarda respýblıkalyq mańyzy bar Dossor – Qulsary – Beıneý – Saı-Ótes – Shetpe – Jetibaı – Aqtaý tas jolynda bolǵan ólimge ákelgen jol-kólik oqıǵasy boıynsha qylmystyq isti qarady.
Sol kúni Yutong markaly jolaýshylar avtobýsy muzdyń saldarynan joldan shyǵyp ketip, aýdarylǵan. Apat saldarynan bes adam qaza taýyp, taǵy 14 adam ártúrli jaraqat aldy.
Bas kólik prokýratýrasynyń habarlaýynsha, tragedıa qysta joldy tıisti deńgeıde ustamaǵandyqtan bolǵan. Tergeý jaýapty tulǵalardyń áreketsizdigi men adamdardyń qazasy arasynda tikeleı sebep-saldarlyq baılanys bar degen qorytyndyǵa keldi.
Prokýratýra málimdegendeı, bul – Qazaqstannyń quqyq qoldaný tájirıbesindegi alǵashqy qylmystyq is, onda qysta avtomobıl jolyn tıisti deńgeıde ustamaý adamdardyń ólimine baılanysty qylmystyq jaýapkershilikke tartýǵa negiz boldy.
Sot «QAJServıs» JSHS Mańǵystaý oblystyq fılıalynyń JEÝ-57 bastyǵyn QR QK 353-baby 4-bóligi boıynsha kináli dep tanyp, oǵan eki jyl alty aı bas bostandyǵynan aıyrý jazasyn shartty túrde taǵaıyndady.
Úkim áli zańdy kúshine engen joq.
Buǵan deıin biz qazaqstandyqtardyń úsh kún ishinde búkil el boıynsha 22 myńnan astam ret ereje buzǵany týraly jazǵan bolatynbyz.