2026 jyldyń basynan beri Qazaqstanda bezgektiń jeti jaǵdaıy tirkeldi, dep habarlaıdy infohub.kz saıty.
Sanıtarlyq-epıdemıologıalyq baqylaý komıteti týrıserge bezgektiń aldyn alý jáne elge ákelinbeýi úshin usynystardy eske saldy.
Saıahatshylarǵa kondısıoneri men tereze-esikterinde moskıt torlary bar qonaqúılerdi nemese turǵyn úılerdi tańdaýǵa; ásirese ekskýrsıalar men tabıǵatta serýendeý kezinde deneni múmkindiginshe jabatyn kıim (uzyn jeń, shalbar) kıýge; balalardy jabyq kıimmen kıindirip, arbalar men kótergishterdi mindetti túrde moskıt torlarymen jabýǵa; jándikterdi qorqytý úshin repellentter qoldanýǵa keńes beriledi. Kúnnen qorǵaıtyn krem qoldanylsa, onyń ústine repellent jaǵý kerek.
Ózderinde aýrý belgilerin baıqaǵan jaǵdaıda, dereý jaqyn mańdaǵy medısınalyq mekemege júginý qajet.
Bezgek — menıngıt belgilerimen, býyndardyń qabynýymen jáne bórtpemen ótetin jedel vırýstyq aýrý. Infeksıa masalar (Aedes aegypti, A. Albopictus), moskıtter, sona shaǵýy arqyly juǵady. Masalar aýrý adamnyń nemese keıbir maımyl túrleriniń qanymen qorektengennen keıin 8-12 kún ótken soń juqtyrylady jáne 3 aıdan astam ýaqyt boıy juqpaly bolyp qalady.
Qazaqstanda bul masa túrleri joq, biraq azamattarymyz epıdemıologıalyq qolaısyz elderge barǵanda bul aýrýdy juqtyrýy múmkin. Tropıkalyq jáne sýbtropıkalyq aımaqtar — Ońtústik-Shyǵys Azıa elderi (mysaly, Taıland, Indonezıa), Ońtústik jáne Ortalyq Amerıka, Afrıka.
Belgiler shaqqannan keıin 4-10 kún ishinde paıda bolady jáne shamamen bir aptaǵa sozylady: temperatýranyń kúrt kóterilýi (39-40 °C deıin), qatty bas aýrýy jáne kózdiń artyndaǵy aýyrsyný, bulshyqetterde, súıekterde jáne býyndarda syrqyraý, júrek aıný, qusý, teride bórtpe.
Emdeý kezinde sýsyzdanýdy boldyrmaý úshin kóp suıyqtyq ishý mańyzdy. Qyzýdy túsiretin dárilerden tek parasetamol ǵana ruqsat etiledi. Aspırın nemese ıbýprofen qabyldaýǵa tyıym salynady, óıtkeni olar ishki qan ketý qaýpin arttyrady. Jaǵdaı nasharlasa, dereý dárigerge qaralý kerek.
Buǵan deıin «Kýrsıv» Afrıkada tez taralyp jatqan taǵy bir qaýipti aýrý — Ebola bezgegi týraly jazǵan bolatyn. Kongo Densaýlyq saqtaý mınıstrligi Ebola bezgegimen aýyratyndar sany 5 515-ke jetkenin habarlady.