Qazaqstandyq ánshi Bınazır Ermaganbetova (BikaBreezy) qytaılyq reper JayTrue-pen birge Qytaıda mýzykalyq júldege ıe boldy. Olardyń Bāshì tregi jyldyń úzdik pop-áni dep tanyldy, dep habarlaıdy infohub.kz saıty.
Ánshiler Pop Songs Chart 2026 júldesin «Jyldyń tanymal áni» nomınasıasynda aldy. Bāshì kompozısıasy 2026 jyldyń aqpanynda jaryq kórdi. Shyqqannan keıin án áleýmettik jelilerde trendti chellendj arqyly vırýstyq sıpat alyp, keıin Shanhaı klýbtarynyń dıdjeıleri qoıa bastady.
Júlde tabystalǵan soń BikaBreezy áleýmettik jelilerde áserimen bólisip, tyńdarmandarǵa alǵys aıtty.
«İshki kúsh, tártip, talant, óz ústinde úzdiksiz jumys isteý, ıkemdilik, jaýapkershilik jáne ómirińe dál kerek sátte keletin adamdar seni mindetti túrde nátıjege jetkizedi. Eń bastysy – jol kórinbese de, júre berý», – dedi Ermaganbetova.
Ánshi Qytaıda keń tanymaldylyqqa 2026 jyly The Rap of China mýzykalyq shoýyna qatysqannan keıin jetti.
Buǵan deıin Kursiv LifeStyle Bınazır Ermaganbetovanyń kórshisine qatysty sozylyp ketken is úshin Medeý aýdanynyń tergeýshilerine shaǵymdanǵanyn jazǵan. Ánshiniń aıtýynsha, er adam ony óz úıiniń aýlasynda urǵan.