Bilim joly - sara jol.
Biz úshin eń basty maqsat: bilikti maman bolý, tárbıeleý.
Qarapaıym halyq bılik basyndaǵylardy bilgenin istep jatyr, bilim júıesi óz deńgeıinde júrip jatqan joq dep sógýde. Ata - analar ustazdy, muǵalimder oqýshyny, emdelýshiler dárigerlerdi, dárigerler aılyqty, oppozısıonerler saıası júıeni, ıaǵnı barshamyz basqalarǵa kiná taǵýmen ómirimizdi ótkizip jatyrmyz. Degenmen bilim mınıstrliginiń 1 naýryzynda bekitilgen 2016 - 2019jyldardy qamtıtyn QR ǵylym men bilim berýdi damytý memlekettik baǵdarlamasynda aıtylǵan úsh tildi bilim berý júıesi qıyndyq týǵyzǵanymen bolashaqta bir izge túsetini anyq.
5 kúndik oqytý standarttaryn engizý. 5 kúndik oqý jaqsy, elimizdegi mektepterdiń kóbi İİ aýysymmen oqıdy. Saǵattary uzaıtyn mektepterge oqýshy sımaı qalmaı ma? Áli shıki tájirıbe ǵoı deımin.

Bılik basyndaǵylar qazaqstandyq jas urpaqty basqa elmen terezesi teń, kókiregi oıaý, sanaly, salıqaly azamat bolsa eken degen nıetpen jańa memlekettik baǵdarlama qabyldap jatyr. Qazirgi tańdaǵy aptanyń alty kúninde oqyp júrgen oqýshylar endi 5 kúndik oqý júıesine kóshpek.
Al, endi biz 5 kúndik oqý júıesine daıynbyz ba? Kóptegen ata - analar bul júıeniń tıimsiz ekendigin aıtady. Óıtkeni, senbi kúni qosymsha sabaqtar men úıirlelerge qatysýǵa ýaqyt jetpeıdi. Al, ustazdar senbini shyǵarmashylyqqa arnaǵandy qup kórip otyr. Atalmysh júıe oqý júktemesin azaıtyp qana qoımaı, sondaı - aq, balanyń erkin belsendi áreket etýine jaǵdaı týǵyzady emes pe? Sonymen qatar, mamyr, maýsym aılary jaz aılary bolǵandyqtan kún ysyp, balanyń sabaqqa degen yntasy joǵalady emes pe?

Ekonomıkanyń ornyqty damýy úshin bilim berýdiń jáne ǵylymnyń básekege qabilettiligin arttyrý, adamı kapıtaldy damytý bolǵandyqtan, Qazaqstan Respýblıkasynda bilim berýdi jáne ǵylymı damytýdyń 2016 - 2019jyldarǵa arnalǵan memlekettik baǵdarlamasy óz aıasynda durys deńgeıde júzege asýyn qoldaımyz.